Xalqaro hamkorlik xalqimiz salomatligi uchun xizmat qiladi

Soʻngi yillarda Sogʻliqni saqlash sohasiga qaratilgan eʼtibor va berilayotgan imkoniyatlar natijasida viloyatimiz tibbiyot markazlari xorijning yetuk klinikalari, tibbiyot ilmiy markazlari bilan hamkorligi faollashib,   xalqimiz salomatligi yoʻlida koʻplab imkoniyatlarni yaratilishida ahamiyatli boʻlmoqda.

Xususan, shu kunlarda viloyat Koʻp tarmoqli tibbiyot markazi direktori Koʻpalboy Tangriberdiyev va Respublika ixtisoslashtirilgan onkologiya va radiologiya ilmiy-amaliy tibbiyot markazi Xorazm filiali direktori, “Adolat” SDP Xorazm viloyat Kengashi raisi, viloyat Kengashi deputati Tohir Polvonov Rossiya Federatsiyasi Nijniy Novgorod shahrida xizmat safarini amalga oshirmoqda.

Safar davomida shahardagi Privoljsk tibbiy tadqiqotlar universiteti rahbariyati, tibbiyot fanlari doktori Ye. S. Bogomolova, L. Yu. Lovsovalar bilan uchrashuv boʻlib oʻtdi. Uchrashuvda xirurgiya, nur terapiyasi, ximiya terapiya, pediatriya va boshqa bir qator yoʻnalishlar boʻyicha ikki tomonlama kelishuv Memorandumlari tuzishga kelishib olindi.

Bir soʻz bilan aytganda, soha rivoji uchun amalga oshirilayotgan bu kabi hamkorlik dasturlari, xalqimizning sogʻlom va farovon hayoti uchun xizmat qilishi shubhasizdir.

                                                                                           Zamira Abdullaeva,
                “Adolat” SDP Xorazm viloyat Kengashi,

               RIO va RIATM matbuot kotibi.