Xalqimiz salomatligi va farovonligi mustahkamlanadi

Yangilanayotgan konstitutsiyamizga xalqimiz хoхish irodasini ifodalovchi, yaʼni inson qadr-qimmati tamoyilini yanada mustahkamlovchi normalarning kiritilayotgani xalqimizning shaʼni va qadr qimmati, farovon hayotining yuksalib borayotganini ifodalamoqda. Yangilanayotgan konstitutsiyada qaysi sohaga qaramaylik, ulkan islohotlarning yaratilayotgani mamlakatimiz rivoji uchun olib borilayotgan ulkan oʻzgarishlar, desa mubolagʻa boʻlmaydi.

Bularni birgina onkologiya sohasi orqali solishtiradigan boʻlsak, soʻngi yillarda onkologik kasalliklar insoniyat uchun ogʻir musibat boʻlgani hech kimga sir emas. Men yigirma uch yildan buyon onkologiya sohasi bilan shugʻullanaman. Bizning markazda ham yaqin-yaqingacha bemorlarni kimyoviy va nur terapiyasi bilan davolashda qoʻllaniladigan zamonaviy uskunamiz yoʻq edi. Oqibatda bitta bemorni 4-5 soatlab nur ostida tutib turardik. Bu vaqt orasida esa ularning badanini nur yoʻnaltirilgan qismi yaxshigina kuyib ketardi. va keyin 5-6 oy oʻsha kuygan joyni davolash bilan ham band boʻlardik. Bizga shu turdagi zamonaviy yangi apparat yetkazib berilgach, bemorlarni bir yarim daqiqadan ortiq nur ostida tutib turmayapmiz. Bu esa bemorlarning nur terapiyasini avvalgidek haftalab, baʼzan esa oylab kutishlariga chek qoʻydi.Binoda sharoitning boʻlgani yaxshi, ammo ishda ham muvaffaqiyat boʻlishi kerak. Muvaffaqiyat nimada, ilmda. Shuning uchun bizning ilmiy markazimiz kasallik omillaridan tortib, samarali davolash uslublarigacha oʻrganish boʻyicha ilmiy markazlardan biriga aylanmoqda. Keyingi besh yillikda onkologik kasalliklarni oldini olish va davolashda koʻplab imkoniyatlar yaratilgani xalqimiz uchun bir buncha qulayliklar yaratildi.

Oldin bir yilda besh ming, olti ming nafar onkologik kasallikka chalingan bemorlar davolanish uchun respublikaga yoki chet davlatlarga chiqishga majbur boʻlgan boʻlsa, yaratilgan imkoniyatlardan soʻng oʻtgan yilda bironta bemorimizning chetga borib davolanishga zaruriyat boʻlmadi. Yangilanayotgan Konstitutsiyaning 48 — moddasini koʻrib, men onkolog sifatida bir narsaga gʻururlandim, yangi apparatlarni olib kelinishi, kadrlarni malakasini oshirish uchun chet davlatlarda oʻqitilishi xalqimizning sogʻlom yashashi uchun yaratiladigan katta qulayliklardir.

Yana bir narsani mamnuniyat bilan qayd etishim joizki, partiyaning saylovoldi dasturida ilgari surilgan asosiy masalalardan biri – aholiga barcha darajada yuqori texnologiyali, ixtisoslashtirilgan va malakali tibbiy xizmat koʻrsatish tizimi samaradorligini taʼminlash orqali kasallik yoʻnalishlarini oʻz vaqtida aniqlash maqsadida tibbiy yordam koʻrsatish tizimiga ilmiy-tadqiqot faoliyatining oxirgi yutuqlarini faol joriy qilish tarafdori ekani belgilab qoʻyilgan. Partiyaning tibbiyot sohasiga boʻlgan eʼtibori va soha rivoji uchun amalga oshirayotgan saʼy-harakatlari meni shifokor sifatida koʻp yillar oldin partiyaga boʻlgan qiziqish va hurmatimni oshirishga sabab boʻlgan. Yangi tahrirdagi Konstitutsiyada tibbiyot sohasini rivojlantirish orqali xalqimizning salomatligi mustahkamlanmoqda. Bu tamoyil “Adolat” SDPning asosiy masalalarida ifoda etilgani bilan quvonarli boʻlmoqda.

Bir soʻz bilan aytganda, yangilanayotgan Konstitutsiya xalqimizning farovon hayotini taʼminlash orqali mamlakatimiz rivoji uchun xizmat qiladi.

Toxir Palvonov,

Respublika ixtisoslashtirilgan onkologiya va radiologiya

ilmiy-amaliy tibbiyot markazi  Xorazm filiali direktori,

 Oʻzbekiston “Adolat” SDP Xorazm viloyat Kengashi raisi, deputat.