Xayr-saxovat xasta koʻngillarni obod qildi

Oʻzbek xalqi azal –azaldan mehmondoʻst bagʻrikeng sifatida tanilgan. Har bir qishloq, mahallada umrguzaronlik qilayotgan yonma-yon oilalar birovining boshiga musibat tushsa boshqalar darhol yordam qoʻlini choʻzishgan.

Qarshi shahridagi Mahallot mahallasi 9-uyda yashovchi Gulnoza Choriyevaning 15 yoshli farzandi Ulugʻbek Gʻofurov burun halqumi saratoni xastaligiga chalinadi. Gulnoza Choriyeva farzandi kasalligi tashxisi yuzasidan tibbiyot xodimlariga uchrashganida darhol jarrohlik amaliyoti oʻtkazish lozimligini maʼlum qilishadi. Shundan soʻng Gulnoza Choriyeva amaliy yordam soʻrab xalq deputatlari Qashqadaryo viloyat Kengashi deputati Ruiddin Raupovga murojaat qiladi.Partiyadoshimiz fuqaro murojaatiga asosan oʻrganishlar olib bordi. Mutaxassislardan Ulugʻbek Gʻofurovning xastaligi jiddiy, unga vaqtni oʻtkazmay yordam koʻrsatish zarur degan xulosani olgach deputat viloyat “Saxovat va koʻmak” jamgʻarmasi hisobidan Gulnoza Choriyevaning farzandi Ulugʻbek Gʻofurovning burun halqumi saratoniga qarshi jarrohlik amaliyoti oʻtkazish uchun yetarli mablagʻ ajratilishini taʼminladi.Koʻrsatilgan bunday mehr-saxovatdan Gulnoza Choriyevaning boshi osmonga etdi. Mushkuli oson boʻldi. Gʻam-hasrati aridi. Ulugʻbek Gʻofurov xastaligiga qarshi jarrohlik amaliyoti oʻtkazildi.

-Farzandimning sogʻligi ancha yaxshi,-dedi Gulnoza Choriyeva.- Menga oʻz vaqtida amaliy yordam koʻrsatgani uchun “Adolat” SDP viloyat Kengashi raisi, xalq deputatlari viloyat Kengashidagi “Adolat SDP deputatlik guruhi rahbari Ruiddin Raupovdan minnatdorman.

                                                      “Adolat” SDP

Qashqadaryo viloyat Kengashi Matbuot xizmati.