Xayrli ishlarga bosh boʻlayotgan safdoshlarimiz

Adolat har bir inson uchun hayotiy zaruriyatdir. “Adolat” SDP Yozyovon tumani Kengashiga tumandagi “Yoshlik” MFYdan najot istab kelgan Xuvaydoxon Azimova kelini Sarvinozxon Toirovani yurak parogi boʻyicha jarrohlik amaliyotini oʻtkazish uchun amaliy yordam soʻrab murojaat qildi. Tibbiy hujjatlarni atroflicha oʻrganib chiqqan tuman Kengashi raisi Baxtiyorjon Mirzamatov tuman hokimligi, sektor rahbarlari va sogʻliqni saqlash boʻlimi rahbariyati bilan bogʻlandi. Chorasiz qolgan oilaga koʻmak berish imkoniyatlarini oʻrganib chiqdi. Nihoyat quvonchli xabarni aytish adolatchiga nasib etdi. Tez kunlarda Sarvinozxon Toirovani jarrohlik amaliyoti bepul amalga oshiriladi.

Bu xushxabar inson qadri ulugʻlangan yurtda yashab, chorasiz qolmagan Xuvaydoxon Azimova oilasini sevinchi sabab boʻldi. Xayrli ishlarga bosh boʻlayotgan safdoshlarimizdan hamisha faxrlanamiz.  

"Adolat" SDP

Fargʻona viloyat kengashi Matbuot xizmati.