Xivada fuqarolarning konstitutsion bilimlari boyitilmoqda

Maʼlumki, mamlakatimizda yangilanayotgan Konstitutsiyaning mazmun va mohiyatiga bagʻishlangan targʻibot tadbirlari qizgʻin pallaga kirib bormoqda. Bu borada xivalik partiyamiz faollari hamda deputatlari birlashib tashkil etilayotgan tadbir va davra suhbatilar ham fuqarolarning konstitutsion bilim va koʻnikmalari boyitishga xizmat qilmoqda. Tumandagi “Qoʻshyoq” mahallasida partiyaning tuman Kengashi hamda tuman Kengashi deputati Maqsud Eshniyazov bilan hamkorlikda oʻtkazilgan tadbir ham keng jamoatchilikni Bosh Qomusimizga boʻlgan hurmat-eʼtiborini yanada oshirishga xizmat qildi. Tadbirda deputat tomonidan hayotimizning asosiy mezoniga aylanib borayotgan yangi tahrirdagi Konstitutsiyadan oʻrin olgan barcha moddalarning maqsadi inson qadri va qimmati uchun ekani bir qator xalqchil va hayotiy misollar bilan ifodalab berildi.

Konstitutsiyamiz 128-moddadan 155-moddaga koʻpaytirilib, 65 foiz yangilangani, yangi islohotlar, farovon hayotimiz uchun boʻlgan zaruriy va asosiy masalalar ayniqsa, farzandlarimizning porloq kelajagini taʼminlanayotgani belgilab qoʻyilgani toʻgʻrisidagi maʼlumot va eʼtiroflar yigʻilganlarni diqqat markazidan joy oldi. Ishtirokchilar Bosh Qomusimizga boʻlgan hurmat va eʼtibori oshganini, mamlakatimizda inson qadri eng ustuvor vazifa etib belgilangani, yurtimiz kundan kun chiroy ochib, jozibadorligi oshib borayotgani, xalqimiz uchun qulayliklar yanada mustahkamlanayotgani toʻgʻrisidagi ishtirokchilarning munosabatlari tadbir saviyasini yanada oshirib yubordi.

Ishtirokchilari, tadbir davomida eshitganlarini oila va yaqinlari davrasida targʻibot qilib, joriy yilning 30-aprel kuni boʻlib oʻtadigan referendumda yangilanayotgan Konstitutsiyamizni qoʻllab-quvvatlab ovoz berishini koʻtarinkilik bilan gapirishdi.Tumanimizda bu kabi tadbirlar uyushqoqlik bilan davom etmoqda.

Shukuroy Madaminova,

“Adolat” SDP Xiva tuman Kengashi raisi.