Xivada fuqarolarning Konstitutsion faolligi oshirilmoqda

Maʼlumki, Oʻzbekiston Respublikasi Konstitutsiyasiga oʻzgartirish va qoʻshimchalar kiritilayotgani munosabati bilan tashkil etilayotgan targʻibot tadbirlari ayni qizgʻin pallaga kirib bormoqda. Bugun partiyaning Xorazm viloyat, Xiva shahar hamda Xiva tuman Kengashlari hamkorligida “Ichan qalʼa” majmuasida “Konstitutsiyaviy islohotlar-inson qadri uchun” shiori ostida tashkil etilgan targʻibot tadbiri ishtirokchilarni konstitutsiyaviy bilim va koʻnikmalarini oshirishga xizmat qildi. Tadbirga partiya faollari, deputatlari, xivaliklar hamda sayyohlar, OAV ishtirok etishdi. Tadbirdan koʻzlangan maqsad- keng jamoatchilik orasida yangilanayotgan konstitutsiyaning mazmun va mohiyatini keng omma orasida targʻibot qilish orqali fuqarolarning joriy yilning 30-aprel kuni boʻladigan referendumni yuqori darajada oʻtkazishdan iborat boʻldi.

Tadbirda taʼkidlanganidek, yangilanayotgan Konstitutsiya xalqimizning xohish-irodasi ifodasiga aylanib, bevosita xalqimiz tomonidan qabul qilinib, toʻgʻridan-toʻgʻri amalga kiritiladigan birinchi hujjat hisoblanadi.

Yangilanayotgan Konstitutsiyada 128ta modda 155 taga koʻpayib, Bosh Qonunimiz 65 foizga yangilangani, inson huquqlarini mustahkamlash 3 barobarga oshirilgani, yangilanayotgan Konstitutsiya loyihasiga xalqimizdan 220 ming ta takliflar kelib tushgani, har toʻrtala taklifdan bittasi loyihaga kiritilgani kabi normalar ishtirokchilar eʼtiboriga havola etildi.

Tadbir jozibador kuy, qoʻshiqlar va raqslarga ulanib ketdi. Bir soʻz bilan aytganda, partiyamiz tomonidan tashkil etilayotgan bu kabi targʻibot tadbirlari, yurtdoshlarimizning konstitutsiyaviy faolligini oshirish bilan bir qatorda, yangilanayotgan bosh Qonunimizning xalqimizga munosib xizmat qilishida ahamiyatlidir.

Zamira Abdullayeva,
“Adolat” SDP Xorazm viloyat Kengashi matbuot kotibi.