“Xon atlas” festivali doirasida maʼnaviy-maʼrifiy tadbirlar davom etmoqda

Atlas va adras kabi koʻzni quvnatadigan, yorqin ranglari, takrorlanmas naqshlari bilan kishiga xush kayfiyat bagʻishlaydigan milliy matolarimizning muxlislari nafaqat yurtimizda, balki butun dunyoda topiladi. Darhaqiqat, bugun Ixtisoslashtirilgan taʼlim muassasalari agentligi tizimidagi Qoʻshtepa Prezident maktabida “Xon atlas” festivali doirasida boʻlib oʻtgan maʼnaviy-maʼrifiy tadbirda bunga yana bir bor guvoh boʻlindi.

Tadbirda tuman hokimligi hamda Maʼnaviyat va maʼrifat markazi tuman boʻlinmasining masʼullari ham ishtirok etishdi.Unda soʻz olgan tuman hokimining oʻrinbosari Mayramxon.Yuldasheva yorqin, nafis va serjilo xon atlas va qizlar oʻrtasida oʻzbekona kiyinish madaniyati haqida oʻz fikrlarini bildirib oʻtdi.

Albatta bu tadbir yoshlarda Oʻzbek milliy liboslariga mehr uygʻotish va ommalashtirish, zamonaviy kiyinishda oʻzbekona sharm-hayo meʼyorlarini targʻib qilish, oʻzbekona kiyinish madaniyatini yuksaltirish maqsadida oʻtkazildi.

Maktab oʻquvchilari oʻrtasida tashkil etilgan tadbirda milliy anʼanalar, qadriyatlar asosida tumandagi chevarlar tomonidan atlas matosidan tikilgan liboslar koʻrgazmasi namoyish etildi. Shuningdek, ishtirokchilarga oʻzbek milliy matolari haqida tarixiy maʼlumotlar berilib, oʻquvchilarning badiiy chiqishlari namoyish etildi.

"Adolat" SDP

farg'ona viloyat kengashi Matbuot xizmati.