Xonqalik saylovchilar konstitutsion normalarni qoʻllab-quvvatlashmoqda

Avval xabar berganimizdek, Oliy Majlis Qonunchilik palatasi deputati M.Qurbonboyevning xonqalik saylovchilari bilan yangi tahrirdagi Konstitutsiyamizning mazmun va mohiyati, unda belgilangan normalarning asosida inson qadr-qimmati va shaʼni maqsad qilib olingani toʻgʻrisidagi targʻibot tadbirlari qizgʻin pallaga kirib bormoqda. Deputatning tuman Xalq taʼlimi boʻlimida “Konstitutsiya- baxtimiz poydevori” mavzusidagi targʻibot tadbiri ham konstitutsion islohotlarni qoʻllab-quvvatlangani bilan samarali kechdi. Maktabgacha taʼlim mudirlari, tarbiyachilar ishtirok etgan tadbirda M. Qurbanbayev tomonidan Konstitutsiyamizga kiritilayotgan oʻzgarishlar xalq manfaatiga, inson qadriga qaratilganligi, xotin — qizlarni qoʻllab quvvatlanishi hamda gender tengligi toʻgʻrisidagi mulohazalari ishtirokchilar eʼtiboridan joy oldi. Tadbir savol-javoblar, fikr va mulohazalar asosida yuqori saviyada boʻlib oʻtdi.

Shundan soʻng mazkur mavzu yuzasidan targʻibot tadbiri Kadastr agentligi tuman boʻlimi hamda tumandagi 2-son kasb-hunar maktabida davom etdi. Unda yangi tahrirdagi Konstitutsiyaning mazmun-mohiyati va unga kiritilayotgan normalar toʻgʻrisida tushunchalar berildi.

Bosh Qomusimizning yangi loyihasi xalq Konstitutsiyasi sifatida yaratilayotganligi, undagi moddalar soni 128 tadan 155 taga normalar soni 275 tadan 434 tagacha oshirilgani, yangi tahrirdagi Konstitutsiya 65 % xalqimiz bildirgan takliflar asosida yangilanayotgani toʻgʻrisidagi fikr va mulohazalar ishtirokchilar eʼtiboriga havola qilindi va ularning konstitutsiyaviy bilimlari yanada boyitildi.

Deputatning saʼy harakatlari bilan tumanda bu kabi tadbirlar uyushqoqlik bilan davom etmoqda.

Zamira Abdullaeva,

“Adolat” SDP Xorazm viloyat Kengashi matbuot kotibi.