Xorazmda bemor bolajonlarga begʻaraz donorlik yordami koʻrsatilmoqda

“Adolat” sotsial-demokratik partiyasi tashabbusi bilan har yili anʼanaga aylanib, hamyurtlarimiz eʼtiboridan munosib joy egallab kelayotgan “Bor mehrimiz senga, bolajon!” begʻaraz donorlik aksiyasi, bemor bolajonlarni sogʻlom hayotga qaytarishda hamda ularni jamiyatda munosib oʻrinlarini topishda muhim ahamiyat kasb etmoqda.

1-iyun – “Xalqaro bolalar kuni” munosabati bilan barcha hududlar qatorida Xorazm viloyat Qon quyish markazida ertalab soat 8 da boshlangan koʻplab koʻngilli yurtdoshlarimiz ishtirokidagi begʻaraz donorlik aksiyasi har qachongidan ham faollik bilan tashkil etildi.

Aksiyaga, partiya faollari, deputatlari, hamkor tashkilotlardan donorlik qiluvchi vakillar va koʻngillilar, OAV hamda blogerlar ishtirok etishdi.

Doniyor Maqsudbekov, donorlik aksiyasi ishtirokchisi:

– Har yili partiya tashabbusi bilan tashkil etilib kelinayotgan donorlik aksiyasida hamyurtlarimiz qatori doʻstlarim bilan faol ishtirok etamiz. Bugun ham boʻlib oʻtayotgan aksiyaning faol ishtirokchisi boʻldik. Xayriya tadbiriga munosib hissa qoʻshish maqsadida qon quyish markaziga keldik va qon topshirdik. Biz ham bolajonlarimizning sogʻlom hayotga qaytarishda hissamiz borligidan xursandmiz.

Aksiya davomida topshirilgan qon vositalari toʻgʻrisidagi hujjatlar viloyat Koʻp tarmoqli bolalar shifoxonasi “Gematologiya” boʻlimida davolanayotgan bemor bolajonlarga taqdim etildi.

Sevara Rajapova, bemor bolajonni onasi:

– Farzand kasal boʻlsa, ota-ona, oila — aʼzolari uchun undan ogʻiri boʻlmas ekan. Farzandim uchun har oyda qon olishga majbur boʻlamiz. Moddiy tomondan qiyinchiliklarga duch ham kelib qolamiz. Partiya faollari kasalxonada devalanayotgan bolajonlar uchun begʻaraz donorlik qilganini eshitib, juda xursand boʻldim. Mening farzandimni ham qon vositasi bilan taʼminlashdi. Partiya faollaridan, begʻaraz donorlik qilgan yurtdoshlarimizdan minnatdormiz.

Bir soʻz bilan aytganda, partiyamiz faollarining bu kabi saʼy harakatlari, farzandlarimizni sogʻlom, baquvvat va barkamol boʻlib voyaga yetishlarida hamda insonlar qadrini ulugʻlashda xizmat qilishi bilan ahamiyatlidir.

Vohamizda donorlik aksiyasi davom etmoqda.

                                                                                                            Zamira Abdullaeva,

                  “Adolat” SDP Xorazm viloyat Kengashi matbuot kotibi.