Xorazmda  konstitutsiyaviy  targ‘ibot tadbirlari qizg‘in pallada

“Adolat“ SDP Xorazm viloyat Kengashi tomonidan  Urganch ixtisoslashtirilgan sanʼat maktabi, hamda Urganch shahridagi ixtisoslashtirilgan maktab internatida “O‘zbekiston Respublikasi Konstitutsiyasi to‘g‘risida”gi Konstitutsiyaviy qonun loyihasining mazmun-mohiyatiga bag‘ishlangan bayramona tadbir tashkil etildi.

   Tadbirga  tibbiyot va taʼlim  sohasi xodimlari, mahallalar faollari, nuroniylar, partiya faollari hamda deputatlari ishtirok etishdi.

   Tadbirda partiyaning viloyat Kengashi deputati Qudrat Jumaniyozov yangilanayotgan Konstitutsiyaning mazmun va mohiyati, unga kiritilayotgan o‘zgartirish va qo‘shimchalar xususida so‘z yuritdi.

   Taʼkidlanganidek, yangilanayotgan Konstitutsiya o‘nga yaqin xorijiy va xalqaro ekspertizalardan  yaʼni yuridik, gender-huquqiy, korrupsiyaga qarshi, jamoatchilik hamda inson huquqlari bo‘yicha normalarga muvofiqligi yuzasidan ekspertizalardan o‘tkazildi. Xalqaro ekspertlar yangilanayotgan Konstitutsiya normalari xalqaro huquqning eʼtirof etilgan barcha qoidalarni o‘zida mujassam etib, joriy yilning 10 mart kuni Qonunchilik palatasining  tegishli majlisida Konstitutsiyaviy qonun loyiha bo‘yicha referendumni tayinlash va uni o‘tkazish to‘g‘risida qaror qabul qildi. Konstitutsiyaviy sud joriy yilning 13 mart kuni mazkur qarorni  Konstitutsiyaga muvofiq deb topdi.

     Shuningdek,  tadbirda  faxriylar so‘zga chiqib  xalqimiz taqdiri va ertangi kunini belgilab beradigan tarixiy qonunga befarq bo‘lmasdan 30 aprelda bo‘lib o‘tadigan refrendumda faol ishtirok etishga chaqirdilar.

  Tadbir ishtirokchilarning faolligida, fikr va mulohazalar, savol-javoblar asosida samarali o‘tdi.      

Bir so‘z bilan aytganda, partiyamiz faollarining saʼy xarakatlari bilan olib borilayotgan targ‘ibot tadbirlari, joriy yilning 30 aprel kuni bo‘lib o‘tadigan referendumda keng jamoatchilikni konstitutsion faolligi bilan yondashishida ahamiyati kattadir.

   Vohamizda targ‘ibot tadbirlari  izchillik bilan davom etmoqda.

                                                                                                   Jamolbek ABDULLAYEV,

                                                                                                                      “Adolat” SDP

                                                                         Xorazm viloyat Kengashi ijrochi kotibi