Xorazmlik onkolog partiyadoshimizni yuksak mukofot bilan qutlaymiz!

Mustaqilligimizning 32 – yillik qutlugʻ shodiyonasi munosabati bilan mamlakatimiz rivoji, xalqimiz salomatligi yoʻlida fidokorona mehnat qilib, el-yurt hurmatiga sazovor boʻlib kelayotgan bir guruh hamyurtlarimiz davlat mukofoti hamda soha vazirliklari tomonidan koʻkrak nishoni bilan taqdirlangani insonga eʼtibor, uning qadr-qimmati va mehnatini eʼzozlash tamoyilini amalga oshirishda ahamiyatli boʻlmoqda.

Bunday eʼtibordan xorazmlik onkolog partiyadoshlarimiz ham munosib oʻrin egallamoqdalar.

Ayniqsa, Respublika ixtisoslashtirilgan onkologiya va radiologiya ilmiy-amaliy tibbiyot markazi Xorazm filialidan koʻpdan xizmat qilib, bemorlar dardiga malham boʻlib kelayotgan kichik tibbiy xodim Roʻza Hayitboyeva bayram arafasida Sogʻliqni saqlash aʼlochisi koʻkrak nishoni bilan taqdirlangani quvonarli boʻldi.

Istiqlolimizning shodiyonasi hayotimda har galgidan ham chuqur, unutilmas iz qoldirdi, — deydi Roʻza Hayitboyeva. – Kichkina mehnatlarimni qadrlab, nishon koʻksimga taqilganida bir olam quvonchga toʻldim. Eʼzoz va eʼtibor tuygʻusini yurakdan his etdim. Bunday eʼtiborga meni munosib koʻrgan filialimiz rahbariga, jamoamga minnatdorlik bildiraman. Qolaversa, zimmamga yanada kattaroq masʼuliyat yuklatilgani, oʻz vazifamga boʻlgan ishtiyoqimni yanada oshirdi, desam xato boʻlmaydi. Bor kuchimni, isteʼdodimni soham rivoji orqali xalqim salomatligi yoʻlida safarbar etaman.

Partiyadoshimizni yuksak mukofot bilan “Adolat” SDP hamda onkologlar jamoasi nomidan qizgʻin qutlaymiz va elimiz salomatligi yoʻlidagi mashaqqatli va sharafli ishlariga yuksak parvozlar tilaymiz.

                                                                                    Zamira Abdullayeva,

                                                              “Adolat” SDP Xorazm viloyat Kengashi,

                                                                             RIO va RIATM matbuot kotibi.