Xorazmlik onkolog partiyadoshlarimiz navbatdagi islohotni ham muvaffaqiyatli amalga oshirdi

Onkologik kasalliklar nafaqat dunyo boʻylab, balki mamlakatimizda ham insoniyat hayotiga raxna solib kelayotgani hech kimga sir emas.Tibbiyot sohasidagi bir qator kamchilik va muammolar, zamonaviy tibbiyot uskunalarning yetarli yoki mavjud emasligi, malakali shifokorlar masalasidagi bir qator muammolar bemorlarning bu darddan aziyat chekib, davolanish uchun uzoq masofalarga sarson boʻlib kelayotganiga sabab boʻlayotgan boʻlsa, soha xodimlari uchun ham bir qator qiyinchiliklarni tugʻdirayotgan edi. Soʻngi yillarda davlatimiz tomonidan sohaga qaratilgan eʼtibor va imkoniyatlar, filialga olib kelib oʻrnatilayotgan zamon talablaridagi tibbiyot uskunalar, shifokorlarning chet davlatlarga borib malakasini oshirish uchun yaratilayotgan sharoitlar yillar boʻyi xalqimizni qiynab kelayotgan mushkullardan xolos etayotgani bilan quvonarli  boʻlmoqda.

Kuni – kecha filialda yana bir islohot amalga oshirildi. Bemorda bosh miya oʻsmasi jarrohlik amaliyoti birinchi marta tajribali shifokorlar tomonidan jarrohlik amaliyoti bajarildi. Quvonarlisi, 6 soat 5 daqiqa davom etgan murakkab jarrohlik amaliyoti muvaffaqiyatli yakunlandi.

Bu oʻz navbatida bemor va uning oilasi uchun xushxabar boʻlgan boʻlsa, jamoa uchun katta yutuq boʻldi, desa toʻgʻri boʻladi. Tajribali jarroh B.Masharipov boshchiligidagi bir guruh shifokor va hamshiralarning saʼy harakatlari bilan bemor sogʻlom hayotga qaytarildi.

Bemorda oʻng tomon peshona suyagi rezeksion trepanatsiyasi orqali bosh miya peshona boʻlagi oʻsmasi olib tashaldi. Bemorning ayni paytda ahvoli yaxshi ekani bildirilmoqda.Bir soʻz bilan aytganda, yaratilayotgan imkoniyatlardan samarali foydalanib kelayotgan xorazmlik onkologlar katta isteʼdod va tajribalarini qoʻllab, najot istab kelgan bemorlar dardiga davo boʻlishdek, sharafli vazifani sidqidildan ado etayotgani xalqimizning soha xodimlariga bildirayotgan shukronaliklarida oʻz ifodasini topmoqda.

Zamira Abdullayeva,

“Adolat” SDP Xorazm viloyat Kengashi

matbuot  kotibi.