Xorazmlik onkologlar jamoasida bayram shukuhi

Har yil noyabr oyining ikkinchi yakshanbasi “Tibbiyot xodimlari kuni” munosabati bilan Respublika ixtisoslashtirilgan onkologiya va radiologiya ilmiy-amaliy markazi Xorazm filiali jamoasi kasb bayramini katta shodiyona bilan nishonlamoqda.

Bugun markazda tashkil etilgan tadbir har qachongidan ham yuqori bayramona kayfiyat bilan oʻtkazildi.

Tadbirni filial direktori Tohir Palvanov kirish soʻzi bilan ochib, hamkasblarini bayram bilan tabrikladi, mashaqqatli va sharafli ishlariga sobitlik tiladi. Shuningdek, filialda koʻp yillardan buyon faoliyat yuritib kelayotgan mammolog Alisher Alimovning 50 yosh shodiyonasi, hamkasblarning bayramona tilaklari ishtirokchilarga zavq ulashdi.

Shuningdek, “Adolat” SDPning Xorazm viloyat hamda Urganch shahar Kengashlari faollarining xalqimiz yoʻlida tinim bilmay mehnat qilib kelayotgan sharafli kasb egalariga bildirgan bayramona dil soʻzlari jamoaning diqqat markazidan joy oldi.

Tadbir soʻngida bir guruh shifokorlar filial va partiya tomonidan tashakkurnoma va esdalik sovgʻalar bilan ragʻbatlantirildi.

Partiyadosh onkolog shifokorlarni kasb bayrami bilan adolatchilar nomidan qutlaymiz va xalqimiz salomatligi yoʻlida muvaffaqiyatlar tilaymiz.

Jamoada bayram shukuhi davom etadi.

 Zamira Abdullayeva

“Adolat” SDP

Xorazm viloyat Kengashi, RIO va RIATM Xorazm filiali matbuot kotibi.