Yangi davrga qoʻyilayotgan qadamlarimiz yuzasidan yigʻilish

Bugun mamlakatimizda kattadan-katta ijtimoiy-siyosiy oʻzgarishlar roʻy berayotgan bir davrda yashayapmiz. Joriy yilning 30-aprel kuni Oʻzbekiston Respublikasining yangi tahrirdagi Konstitutsiyasi boʻyicha umumxalq Referendumi oʻtkaziladi. Ushbu jarayonlarga tayyorgarlik Respublikamiz boʻylab qizgʻin olib borilmoqda, shu qator Samarqand viloyatida ham bu borada keng koʻlamli ishlar amalgi oshirilmoqda. Samarqand tuman hokimiyat majlislar zalida tashkillashtirilgan yigʻilish aynan shu mavzuda boʻlib oʻtdi. Yigʻilish davomida 100 dan ortiq Samarqand tumani korxona rahbarlari, hokim yordamchilari, mahalla faollari va deputatlar ishtirok etishdi.

Seminar yigʻilish, Oʻzbekiston Konstitutsiyaviy qonun loyihasida bagʻishlandi. Yigʻilishda Samarqand tuman Xalq deputatlari Kotibiyat mudiri Abdujabbor Umarov, tuman xotin-qizlar ishlari maslahatchisi Dilfuza Azizova, partiya faoli Nasriddin Sadullayev va Xalq deputatlari Samarqand viloyat Kengash deputati Sanobar Mirsaidovalar ishtirok etib qatnashchilarga maʼruzalar qilishdi.

Oʻz maʼruzasida deputat S.Mirsaidova barcha jabhalarda tub oʻzgarishlar, bugungi kun yoshlarimizning yutuqlari, parlamentimiz, xotin-qizlarga berilayotgan imtiyozlar va yengilliklar yuzasidan gapirib oʻtdi. Shundan soʻng S.Mirsaidova joriy Konstitutsiyamiz va amaldagi Konstitutsiyaning en katta tub oʻzgarishini yaʼni moddalari va ularning normalariga ham toʻxtalib oʻtdi.

Yigʻilish soʻngida barcha qatnashchilar va komissiyalar biriktirilgan masʼullar, oʻzlarini qiziqtirgan va yangilanayotgan Bosh Qomusimiz yuzasidan savollar berishdi va mas'ullar tomonidan javob olishdi.

Zuhra Quddusova,

“Adolat”SDP Samarqand tuman Kengashi raisi.