Yangi hayot uchun, Yangi Oʻzbekiston uchun!

Dangʻara tumanidagi 38- maktabda “Adolat” SDP tuman Kengashi bilan hamkorlikda pedagoglar va Chinobod mahalla fuqarolar yigʻini aholisi ishtirokida mamlakatimiz mustaqilligining 32 yillik bayrami arafasida “Yangi hayot uchun, Yangi Oʻzbekiston uchun!” shiori ostida maʼnaviy maʼrifiy uchrashuv oʻtkazildi.

Unda istiqlol yillarida xalqimizning turmush farovonligini oshirish, qishloqlarimizni obod va koʻrkam maskanlarga aylantirish, yoshlarning bandligini taʼminlash, ayniqsa, partiyamiz elektorati hisoblangan pedagoglarning nufuzini oshirish borasida soʻnggi yillarda yurtboshimiz Shavkat Mirziyoyev boshchiligida amalga oshirilgan tub islohotlar, yangilangan Konstitutsiyaning mazmun-mohiyati zamiridagi inson qadrini ulugʻlash gʻoyalari haqida soʻz yuritildi.

Bayram oldi uchrashuvda “Adolat” partiyasi saflariga kirish istagini bildirgan oʻnlab pedagoglarga partiya guvohnomalari va esdalik sovgʻalari topshirildi.  

“Adolat” SDP

Farg’ona viloyat kengashi Matbuot xizmati.