Yangi hayot uchun, yangi Oʻzbekiston uchun!

Joriy yil mamlakatimizda Mustaqillik kuni ayni shu bosh gʻoya negizida nishonlanmoqda. Prezident Shavkat Mirziyoyevning 2023-yil 27-iyulda qabul qilingan “Oʻzbekiston Respublikasi davlat mustaqilligining oʻttiz ikki yillik bayramiga tayyorgarlik koʻrish va uni oʻtkazish toʻgʻrisida”gi qarorida taʼkidlanganidek, “Mustaqil taraqqiyot yoʻlidagi keng koʻlamli islohotlarimizni izchil davom ettirish, barcha soha va tarmoqlar rivojini yangi bosqichga olib chiqish maqsadida bugungi kunda yurtimizda millati, tili va dinidan qatʼi nazar, har bir fuqaro erkin va farovon yashaydigan yangi jamiyat va davlat barpo etilmoqda”.

Oʻzbekiston “Adolat” SDP Shofirkon tuman Kengashi tomonidan hamkor tashkilotlar bilan birgalikda “Yangi hayot uchun, yangi Oʻzbekiston uchun” mavzusida mustaqilligimizning 32 yilligi bayrami oldidan davra suhbati boʻlib oʻtdi.

Unda tuman Kengashi raisi Nodira Berdiyeva, xalq Deputatlari tuman Kengashi deputati Zulfiya Ashurova, partiya faollari, tumandagi mahalla faollari hamda yoshlar ishtirok etishdi.

“Adolat” SDP Shofirkon tuman Kengashi raisi Nodira Berdiyeva tadbir ishtirokchilarini yaqinlashib kelayotgan mustaqilligimizning 32 yilligi bayrami bilan tabriklab, davlatimiz rahbari tashabbusi bilan istiqlol yillarida yurtimizda amalga oshirilgan keng koʻlamli bunyodkorlik ishlari, erishilgan yutuqlar, kelgusidagi maqsad va vazifalarning ahamiyati xususida toʻxtalib oʻtdi.

- “Davlatimiz rahbarining mustaqillik deganda, uning maʼno-mazmunini biz avvalo huquq deb qabul qilamiz. Mustaqillikka erishish — bu oʻz taqdirimizni qoʻlimizga olib, yurtimizning yer osti va yer usti boyliklariga ega boʻlish, biz qanday ulugʻ tarix, madaniyat va maʼnaviyatga ega ekanimizni, oʻzligimizni chuqur anglab, beqiyos salohiyatimizni ishga solish, qadriyatlarimizni, din-u diyonatimizni tiklash kabi buyuk va muqaddas burchimizni amalga oshirishdir”-deya taʼkidladi N.Berdiyeva

Darhaqiqat, mustaqillik yillarida tizim tubdan isloh qilindi. Zamonaviy axborot texnologiyalarini hayotimizning barcha jabhalarida keng joriy etishga jiddiy eʼtibor qaratilishi natijasida davlat soliq organlarida ham axborot-kommunikatsiya texnologiyalarini rivojlantirish borasida salmoqli ishlar amalga oshirildi. Inson manfaatlari eng oliy qadriyat darajasiga koʻtarilgan diyorimizda yurtga fidoyi, el xizmatiga faol va jonkuyar kishilarning halol mehnati munosib taqdirlanmoqda.

Tadbir soʻngida mustaqillik yillarida partiyamiz aʼzolarining jamiyatimiz hayotidagi barcha siyosiy va ijtimoiy jarayonlarda faol qatnashib, tub islohotlarni amalga oshirishda samarali faoliyat koʻrsatayotgani, bugungi kunda yoshlarimiz yurtimiz kelajagi uchun tayanch vazifasida ekanliklari takror va takror taʼkidlandi.

Mohigul Rahimqulova,

“Adolat” SDP Buxoro viloyat Kengashi matbuot kotibi.