Yangi hayot, yangi Oʻzbekiston

Aytish mumkinki, qisqa davr ichida jahon hamjamiyatida munosib oʻrin egallashga asos boʻluvchi ulkan yutuqlarni qoʻlga kiritdi. Shuningdek davlatimiz rahbari tashabbusi bilan boshlangan islohotlar va modernizatsiya jarayoni, jumladan: qoʻshni mamlakatlar bilan aloqalarni mustahkamlash boʻyicha siyosatni dunyo hamjamiyati eʼtirof etmoqda.

Prezidentimizning “Yangi Oʻzbekiston” gazetasi bosh muharriri bilan suhbatida mamlakatimizda amalga oshirilayotgan demokratik oʻzgarishlari toʻgʻrisida ham aytib oʻtganlar. Yangi Oʻzbekistonning muhim bir xususiyati toʻgʻrisida gapiradigan boʻlsak, unda Yangi Oʻzbekiston demokratiya, inson huquq va erkinliklari borasida umum eʼtirof etilgan norma va prinsiplarga qatʼiy amal qilgan holda, jahon hamjamiyati bilan doʻstona hamkorlik tamoyillari asosida rivojlanadigan, pirovard maqsadi xalqimiz uchun erkin, obod va farovon hayot yaratib berishdan iborat boʻlgan davlat ekani alohida qayd qilingan.

Yangi Oʻzbekiston haqida toʻxtaladigan boʻlsak, eng avvalo, yangicha iqtisodiy dunyoqarash koʻz oldimizda gavdalanadi. Davlatimiz rahbari nuqtayi nazari bilan aytganda: “bilim va tajriba, tinimsiz oʻqib-oʻrganish, izlanish, yangilikka intilish, yuqori texnologiyalarni joriy etish, islohotlarni samarali olib borish” hisobidan ko'zlangan ulkan marralarga erishish mumkin.

Bugun barcha vatandoshlarimiz boshlangan yangicha islohotlarni yanada shiddat bilan davom etishini istaydi, desak aslo mubolagʻa boʻlmaydi. Bugun buni tan olishimiz kerak avvalo xalqimiz va Shavkat Mirziyoyev yangi Oʻzbekistonda amalga oshirilayotgan islohotlar muallifidir.

Xulosa qilib aytadigan boʻlsak, bugun Oʻzbekiston xalqaro tashkilotlar doirasida muntazam muhim tashabbuslar va siyosiy takliflarni ilgari surmoqda. Prezidentimiz amalga oshirayotgan ulugʻvor ishlarni nafaqat xalqimiz qoʻllab-quvvatlamoqda, balki dunyo hamjamiyati ham alohida eʼtirof etmoqda. Bu mustaqil Oʻzbekistondagi yangicha boshqaruv, yangi strategiya va yangi imkoniyatlarning amaldagi yorqin namunasidir.

Umriniso Xamdamova,

“Adolat” SDP Sirdaryo viloyat Kengashi  yetakchi mutaxassisi.