Yangi Konstitutsiya taraqqiyotimiz kafolati

Shu kunlarda Oʻzbekiston “Adolat” SDP Qashqadaryo viloyat Kengashi faollari tomonidan joylarda Oʻzbekiston Respublikasi Prezidentligiga boʻlib oʻtadigan saylov oldidan keng koʻlamdagi targʻibot-tashviqot ishlari olib borilyapti. Shu bilan birgalikda partiyadoshlarimiz Oʻzbekiston Respublikasi Prezidentining “Yangi tahrirdagi Oʻzbekiston Respublikasi Konstitutsiyasini amalga oshirish boʻyicha birinchi navbatdagi chora-tadbirlar toʻgʻrisida”gi Farmoniga asosan baxtimiz qomusini ham aholiga keng tushuntirmoqdalar.

Shunday tadbirlardan biri bugun Muborak tuman Kengashi va hamkor tashkilotlar tomonidan Tibbiyot kollejida tashkil etildi. Unda soʻzga chiqqan huquqshunos Abdurahmat Kengboyev, partiya faollari Zamira Rasilova va boshqalar Yangi Konstitutsiyamizda ilgari surilgan inson qadrini ulugʻlash, barcha jabhada qonun ustuvorligini taʼminlash, oʻsib kelayotgan yosh avlodni bilimli va har tomonlama vatanga muhabbat ruhida tarbiyalash uchun davlat tomonidan berilayotgan eʼtibor haqida mulohaza yuritdilar.

Tadbirda talabalar va oʻqituvchilar oʻzlarini qiziqtirgan koʻpdan-koʻp savollarga partiya faollaridan kerakli javoblarni olishdi.

Targʻibot tadbiri ikkala tomon uchun ham foydali boʻldi.

Baxtiyor Jumayev,

“Adolat” SDP Muborak tuman

Kengashi raisi.