“Yangi Oʻzbekiston Konstitutsiyasi-davlat birligi ramzi”

Mamlakatimiz Konstitutsiyasiga kiritilayotgan oʻzgartish va qoʻshimchalarni yoshlarga yetkazish maqsadida, Xalq deputatlari Narpay tuman Kengashi deputati Nasiba Raxmonova tomonidan tumanidagi 64-son umumtaʼlim maktab oʻquvchilari bilan uchrashuv oʻtkazildi.

Uchrashuv davomida deputat Konstitutsiyaviy qonun loyihasining 51-moddasida “Fuqarolar davlat taʼlim tashkilotlarida tanlov asosida davlat hisobidan oliy maʼlumot olishga haqli” degan norma mustahkamlanayotgani kelajakda Yangi Oʻzbekistonning gullab yashnashiga munosib hissa qoʻsha oladigan, yetuk, oʻz sohasining bilimdoni boʻlgan mutaxassislarni kamol toptirishga xizmat qilishi haqida yoshlarga batafsil maʼlumotlar berdi.

“Yangi Oʻzbekiston Konstitutsiyasi-davlat birligi ramzi“ shiori ostida tashkillashtirilgan uchrashuv maktab oʻqituvchi va oʻquvchilari ishtirokida savol-javoblarga boy tarzda kechdi. Bundan tashqari maktab oʻqituvchilari tomonidan ham qomusimizga kiritilayotgan oʻzgartirishlarning mazmun-mohiyati taʼlim rivojiga doir muhim jihatlari xususida qoʻshimcha maʼlumotlar berildi.

Jahongir Xoliqov,

“Adolat”SDP Narpay tuman Kengashi raisi.