Yangi Oʻzbekistonda — yangi imkoniyatlar yaratilmoqda

Oʻzbekiston “Adolat” SDP Yakkabogʻ tuman Kengashi tomonidan 17- aprel kuni Yakkabogʻ tumani Nurafshon MFY da joylashgan Madaniyat uyi markazida “Konstitutsiyaga kiritilayotgan oʻzgartirishlar Yangi Oʻzbekiston taraqqiyoti garovi” mavzusida davra suhbati boʻlib oʻtdi. Unda xalq deputatlari Yakkabogʻ tumani Kengashi deputati Shavkat Oripov yoshlar, mahalla fuqarolari va keng jamoatchilik vakillari oʻrtasida yangilanayotgan Konstitutsiya normalari haqida keng tushuncha berdi.

-Yangi tahrirdagi Konstitutsiyaga sudlar faoliyati mustaqilligi kafolatlarini kuchaytirish, sudyalar daxlsizligi va muayyan ishlar boʻyicha hisobdor boʻlmasligi kiritilayotganligi haqiqatan ham bu sohaning chinakam mustaqilligini taʼminlashda juda ham muhim,-dedi xalq deputatlari Yakkabogʻ tumani Kengashi deputati Shavkat Oripov.- Sudyalarning xavfsizligini taʼminlash boʻyicha normalar kiritilayotganligi odil sudlovni toʻliq va mustaqil amalga oshirish uchun muhim kafolat boʻladi.Shuningdek maʼruzachilar Konstitutsiyaning yangi tahriri ijtimoiy, demokratik-huquqiy va chinakam xalqparvar davlatchilik asoslarini yaratishi, aholi farovonligini oshirishi, inson huquq va manfaatlari, qadr-qimmatini yanada yuksaltirishi va hayotning barcha sohalarini liberallashtirishda muhim omil boʻlishi hamda Yangi Oʻzbekiston taraqqiyotida yangi davrni boshlab berishi eʼtirof etildi.Targʻibot tadbiri ishtirokchilarni qiziqtirgan savol javoblarga boy boʻldi. Tadbir nihoyasida deputat barchani referendumga faol ishtirok etishga chaqirdi.

Ural Umirov,

“Adolat” SDP Yakkabogʻ tumani Kengashi raisi.