Yangi O’zbekistonda Yangi Konstitutsiya bilan!

Samarqand viloyati Samarqand shahri “Temir yo’lchi” mahalla fuqarolar yig’inida joylashgan 28- son umumta’lim maktabida Konstitusiyaviy qonun loyihasi mazmun-mohiyatiga bag‘ishlangan targ‘ibot tadbiri bo‘lib o‘tdi.
Unda Oliy Majlis Qonunchilik palatasi deputati Yelena Kompolshik, maktab direktori, mahalla raisi hamda mahalla faollari ishtirok etdi.
Uchrashuvda so‘z olgan Oliy Majlis Qonunchilik palatasi deputati Yelena Kompolshik yangilanayotgan Konstitusiyaviy qonun loyihasida partiyamizning siyosiy platformasiga hamohang me'yor va qoidalar aks etayotganini ta'kidlab o‘tdi.
Targ‘ibot tadbirida Oliy Majlis Qonunchilik palatasi deputati asosan ta'lim va ilm-fanga oid normalar, xususan, o‘qituvchining jamiyatdagi ijtimoiy maqomi haqida, shuningdek, har kimning uy-joyli bo‘lish huquqi, aholi salomatligini asrash, majburiy mehnat, yoshlarning ta'lim olishi, ijtimoiy va tibbiy himoyasi, inson huquq va erkinliklariga, davlat boshqaruvi tizimini modernizasiya qilishga oid normalar to‘g‘risida atroflicha so‘z yuritdi va yangi tahrirdagi Bosh Qomusimizning qabul qilinishi xalqimiz taqdiri va ertangi kunini belgilab beradigan tarixiy Qonun bo‘lishini ta'kidlab, barchani referendumda faol ishtirok etishga chaqirdi.
Deputatning hududdagi muloqot tadbirlari davom etmoqda.

Gulnafisa Abdimurodova,
“Adolat”SDP Samarqand viloyat Kengashi matbuot kotibi.