Yangi qurilayotgan binolarning sifati oʻrganildi

Davlatimiz rahbari aytganidek, “Deputat boʻlish, xalq ishonchini qozonish va uni munosib ravishda oqlash – bu oson emas. Bunday sharaf har kimga ham nasib etmaydi. Deputat – fikri zikri bilan xalqqa eng yaqin odam, doimo el-yurtning tashvish va muammolari bilan yashaydigan, katta bilim va tajribaga ega boʻlgan shaxs”. Xalq bilan toʻgʻridan-toʻgʻri muloqot qilish, hayotiy muammo va ehtiyojlarini hal etish bugungi kunimizning dolzarb vazifalaridan biriga aylandi. Qolaversa, bu jarayon har bir rahbarga alohida masʼuliyat yuklaydi, xalq dardi bilan yashash, muammolariga yechim izlashga undaydi. Darhaqiqat, Oliy Majlis qonunchilik palatasi deputati Muzaffara Abdiyeva ham mana shunday bizning fidoyi va xalqparvar deputatlarimizdan hisoblanadilar.

Maʼlumki, keyingi yillarda yurtimizda ulkan bunyodkorlik-qurilish ishlari amalga oshirilmoqda. Qurilish ishlari shahar-u qishloqlarda jadal olib borilmoqda. Shu bilan bir qatorda yildan-yilga energiya tejamkor, import oʻrnini bosuvchi, innovatsion va yangi turdagi qurilish materiallariga boʻlgan talab ham ortib bormoqda.

Aynan qurilish obyektlariga tashrif buyurganida deputatimiz bugungi kunda yangi, zamonaviy usulda qurilayotgan turarjoy binolarining qay darajada mustahkam va qay darajada talablarga javob bera olayotganligi oʻrganish maqsadida quruvchilar va fuqarolar bilan uchrashib, suhbatlashdi 

Xonbuvi Hayitov,
“Adolat” SDP Pastdargʻom tuman Kengashi raisi.