Yangi tahrirdagi konstitutsiyaga bagʻishlandi

Mamlakatimizning boshqa mintaqalarida boʻlgani kabi Namangan viloyatida ham Oʻzbekistoning yangilangan Konstitutsiyani keng targʻib qilish qizgʻin — davom etmoqda. Ana shunday tadbirlardan biri Kosonsoy tuman hokimligida boʻlib oʻtdi. Unda mahalliy kengash deputatlari, mahalla fuqarolar yigʻinlari raislari, maʼnaviy targʻibotchilar, keng jamoatchilik vakillari qatnashdilar.

Mazkur seminarda viloyat adliya boshqarmasi davlat xizmatlarini rivojlantirish agentligi viloyat filiali mutaxassislari deputatlar soʻzga chiqdilar. Ular konstitutsiyaviy qonun loyihasi xalqimizning talab va takliflari negizida tayyorlanganligini qayd etdilar.

Bu oʻquv seminar ishtirokchilarda katta taassurot qoldirdi, — deydi xalq deputatlari Kosonsoy tumankengashidagi “Adolat” SDP guruhi rahbari Isroiljon Joʻrayev. Olgan maʼlumotlarimizni targʻibot ishlarida keng qoʻllaymiz. Targʻibot tadbirlarida partiyamiz faollari ham qatnashmoqdalar. Ular belgilangan jadval asosida har kuni joylarda aholi bilan uchrashmoqdalar.

Masalan, I. Joʻrayevning oʻzi saylovchilari huzurida boʻldi. Uchrashuv maʼruzasini diqqat bilan tingladilar. Oʻzlari ham Asosiy Qonuning loyihasini bir qator moddalari boʻyicha fikrlar ham bildirdilar. Tadbir savol-javoblar bilan yakunlandi, “Adolat” SDP deputatlikning guruhining boshqa aʼzolari ham yangilangan Konstitutsiya loyihasi targʻibotida faollik koʻrsatmoqdalar.

Nurbek Abdullaev,

 “Adolat” SDP Namangan viloyat

 Kengashi matbuot kotibi.