Yangi taraqqiyot manzillari sari...

Yangi Oʻzbekistonning yangi taraqqiyot manzillari sari odimlab borar ekanmiz, davlatimizning odilona siyosati tufayli inson qadri ulugʻlanib borayotganidan, uning haq-huquqlari himoyasi kengayib, turmush darajasini oshirish borasida amalga oshirilayotgan islohotlardan minnatdorlik hislarini tuyamiz. Soʻnggi yillarda “Ayolar daftari”, “Temir daftar”, “Yoshlar daftari” tushunchalarini hayotimizda aks etishi, ehtiyojmand oilalarni kambagʻallikdan chiqarish, degan harakatlarni amalga oshirilishi natijasida tadbirkorlik orzusi bilan yashayotgan vatandoshlarimizga qanot baxsh eta oldik. Kechagiga qora qozonini qaynatishdan qiynalgan inson bugun 3-4 yoshlarni atrofiga jamlab, ularni ish bilan taʼminlab, yanada ulugʻvor maqsadlar sari intila olyapti.

Oʻzbekiston “Adolat” SDP Furqat tumani Kengashi tomonidan tuman mahalla va oilani qoʻllab -quvvatlash boʻlimi bilan hamkorligida “Navbahor” mahalla fuqarolar yigʻini hududidagi kutubxonada “Siyosiy — huquqiy bilimlarni mustahkamlash — demokratik jamiyat poydevori“ loyihasi doirasida oʻquv seminari tashkil etildi. Mahalla raislari va xotin-qizlar faollari ishtirok etgan seminarda “Adolat” qabulxonalarini tashkil etish, fuqarolarning murojaatlari bilan ishlash mexanizmlari haqida fikrlar almashildi.

Seminar davomida Yangi Oʻzbekistonning yangi davri sari qadam qoʻyar ekanmiz, 9- iyul kuni muddatidan avval boʻlib oʻtadigan Prezident saylovi, unda ishtirok etuvchi vatandoshlarimizning huquq va burchlariga ham toʻxtalib oʻtildi. Yurtdoshlarimiz oʻz ovozlari bilan mamlakatning siyosiy-ijtimoiy hayotida faol ishtirok etib, yangi Oʻzbekistonning yangi taraqqiyot bosqichini boshlab berishga munosib ulush qoʻshishlari bu ham faxrlidir.  

“Adolat” SDP

Farg’ona viloyat kengashi Matbuot xizmati.