Yangiariqda   aholi tibbiy koʻrikdan oʻtkazish davom etmoqda

Avval xabar berganimizdek, Oʻzbekiston “Adolat” SDP Xorazm viloyat Kengashi hamda Respublika ixtisoslashtirilgan onkologiya va radiologiya ilmiy — amaliy tibbiyot markazi Xorazm filiali hamkorligida   Yangiariq tumanidagi “Chakir” mahallasida yoshlar, kattalar hamda keksalar orasida tibbiy koʻrik tashkil etilib, bir qator surunkali va xavfli kasalliklarning oldi olingan edi.

Mahalla aholisining murojaatiga asosan, partiyaning Xorazm viloyat Kengashi raisi, RIO va RIATM Xorazm filiali direktori, deputat Toxir Palvanov rahbarligida shanba kuni mazkur mahallada tibbiy koʻrik davom ettirildi.

Ikki yuzga yaqin fuqarolar Ultratovush tekshiruvi, ginekolog, terapevt va boshqa yoʻnalishdagi shifokorlar, mobil mammograf yordamida 45 yoshdan yuqori boʻlgan ayollar tibbiy koʻrikdan oʻtkazildi.

Partiya faollari, deputatlari, onkologlardan iborat ishchi guruh, mahallada istiqomat qilayotgan, kasalmand, nogironligi bor, ijtimoiy himoyaga muhtoj, yakka-yolgʻizlar holidan xabar olish maqsadida xonadonlarga tashrif buyurishdi.

Davronbek Zaripov, bemor:

-Suyak yemirilishi kasalligi bilan koʻp yildan buyon aziyat chekib kelaman. Holimizdan xabar olib turgan davlatimizdan, qolaversa, mahallamizda tez-tez tibbiy koʻrikni tashkil etilishiga bosh boʻlayotgan, shu mahallada ulgʻayib kamol topgan, hozirda xalqimiz salomatligi yoʻlida tinim bilmay mehnat qilib kelayotgan, tajribali onkolog Toxirjon Palvanovdan minnatdormiz. Insonlari qadr topgan yurtda yashayotganimizdan xursandmiz.

Tibbiy koʻrik davomida aniqlangan surunkali va xavfli kasalliklar boʻyicha tavsiyalar va viloyat onkologiya markaziga yoʻllanma berildi.

Mahallada tibbiy koʻrik davom etadi.

                                                                                                Zamira Abdullayeva,

  “Adolat” SDP Xorazm viloyat Kengashi matbuot kotibi.