Yangiariqda OMQP deputati M.Qurbonboyev ishtirokida konstitutsiyaviy targʻibot tadbirlari qizgʻin davom etmoqda

Oliy Majlis Qonunchilik palatasi deputati   M. Qurbanbayev   ishtirokida     “Konstitutsiya-kelajagimiz poydevori” mavzusida   Yangiariq tuman 12- son maktabgacha taʼlim tashkilotida va tumandagi 59- son oilaviy poliklinikada   davra suhbati tashkil etildi. Davra suhbatida M. Qurbanbayev Konstitutsiya loyihasidagi moddalar soni amaldagi 128 tadan 155 taga, normalar soni 275 tadan 434 taga oshirilgani, Qonunimiz matni qariyb 65 foizga ortgani va xalqimiz takliflari asosida yangilangani borasida batafsil tushuntirishlar berdi. Konstitutsiya loyihasining davlat maktabgacha taʼlim va tarbiyani rivojlantirish shart — sharoitlar yaratib berilishini rivojlantirish uchun iqtisodiy va tashkiliy huquqiy koʻmak koʻrsatilishi boʻyicha bir qator misollar bilan taʼkidladi. Yangi tahrirdagi Konstitutsiya loyihasida aholi salomatligi bilan bogʻliq normalar 4 barobar koʻpaytirilgani 48 moddada “Har kim sogʻligini saqlash va malakali tibbiy xizmatdan foydalanish huquqiga ega. Oʻzbekiston Respublikasi fuqarolari tibbiy yordamning kafolatlangan hajmini qonunda belgilangan tartibda davlat hisobidan olishga haqliligi boʻyicha tushuntirishlar berdi.

Shundan soʻng muloqot 59- Oilaviy poliklinikada bepul dori-darmon bilan taʼminlanganlik darajasini oʻrganish bilan davom etdi.

                                                                                                              Zamira Abdullaeva,

             “Adolat” SDP Xorazm viloyat Kengashi matbuot kotibi.