Yangiariqda yangi tahrirdagi Konstitutsiya targʻibotiga bagʻishlangan tadbirlar faollik bilan davom etmoqda

Oʻzbekiston Respublikasi Konstitutsiyasiga oʻzgartirish va qoʻshimchalar kiritilgani munosabati bilan partiyamiz faollari tomonidan joylarda targʻibot tadbirlari qizgʻin pallaga kirgan. Ochiq muloqotlar davomida Yangilangan Bosh Qomusimizga kiritilgan xalqchil va hayotiy oʻzgarishlar xalqimiz farovonligini koʻzlab amalga oshirilgan islohot ekani eʼtirof etilmoqda.

Partiyaning Yangiariq tuman Kengashi tomonidan “Qoʻshloq” mahallasida mahalla faollari bilan hamkorlikda tashkil etilgan “Xalq – Konstitutsiya tashabbuskori” mavzusidagi targʻibot tadbiri ham ana shu maqsadlarni oʻz ichiga olgani bilan ham ahamiyatli boʻldi.

Soʻzga chiqqanlar tomonidan yangi tahrirdagi Konstitutsiyada inson va uning farovon hayoti, qadr-qimmati, shaʼni oliy qadriyat tamoyilini mustahkamlashga va huquqiy, adolatli jamiyatni barpo etishga qaratilgan normalar kiritilayotgani toʻgʻrisida ishtirokchilarga atroflicha maʼlumotlar berildi.

Fikr va mulohazalar qizgʻin kechgan tadbir soʻngida ishtirokchilar oʻzlari qiziqqan savollarga batafsil javoblar olishdi va joriy yilning 30-aprel kuni boʻlib oʻtadigan referendumda faol ishtirok etishni bildirishdi.

Tumanda bu kabi tadbirlar uyushqoqlik bilan davom etmoqda.

Barnogul Sapayeva,

“Adolat” SDP Yangiariq tuman Kengashi raisi.