Yangilanayotgan Konstitutsiya- bizning kelajagimiz

Yangi Oʻzbekistonning taraqqiyotini taʼminlashga xizmat qiluvchi Bosh Qomusimizni yanada takomillashtirish, inson qadrini ulugʻlashdek ezgu niyatni unda mustahkamlab qoʻyish maqsadida Oʻzbekiston Respublikasi Konstitutsiyasiga taklif berish va uni hayotimiz talablaridan kelib chiqqan holda yanada takomillashtirish masalasi ilgari surildi. Ayni shu masalada jamoatchilik tomonidan berilgan takliflar Konstitutsiyaviy komissiya aʼzolari tomonidan oʻrganib chiqildi.

Qonun loyihasining har bir moddasi xalqchil tarzda xalqimiz bilan maslahatlashgan holda takomillashtirildi. Birinchi ustuvor yoʻnalish sifatida inson, uning hayoti, erkinligi, qadr-qimmatini ulugʻlash, daxlsiz huquqlari va manfaatlarini himoya qilishni mustahkamlab qoʻyish lozimligi koʻrsatib oʻtildi.

Keyingi yillarda aholini har tomonlama ijtimoiy qoʻllab-quvvatlash Oʻzbekiston siyosatining bosh maqsadiga aylandi. Davlatimiz rahbari ushbu islohotlarni izchil davom ettirish maqsadida ikkinchi ustuvor yoʻnalish sifatida “Oʻzbekiston – ijtimoiy davlat” degan gʻoyani mustahkamlab qoʻyishni taklif qildi. Bu inson qadriga boʻlgan yana bir eʼtibor demakdir.

Yuqoridagilarning tasdigʻi sifatida bu yilgi referendum byulletenida “Siz Oʻzbekiston Respublikasi Konstitutsiyasi toʻgʻrisidagi Oʻzbekiston Respublikasi konstitutsiyaviy qonunini qabul qilasizmi?” deb yoziladi. Bunga har bir fuqaro faol munosabat bildirishi shubhasiz. Chunki Konstitutsiya bizniki, barchamizniki.

Fotima Siddiqova,

“Adolat” SDP Qoʻrgʻontepa tuman kengashi raisi.