Yangilanayotgan Konstitutsiya shovotlik yoshlar nigohida

Oʻzbekiston “Adolat” SDP Xorazm viloyat Kengashi hamda Shovot tuman Kengashlari hamkorligida “UZTEX GROUP” MCHJ qoʻshma korxonasi Shovot filialida “Yangilangan Konstitutsiya-inson qadri uchun” shiori doirasida tashkil etilgan targʻibot tadbiri ham ishtirokchilarning faolligida qizgʻin kechdi.

Tadbirga mazkur filial yetakchilari, ishchi-xizmatchilari, partiya faollari, deputatlari hamda ommaviy axborot vositalari vakillari ishtirok etishdi.Tadbirdan koʻzlangan maqsad, mamlakatimizda amalga oshirilayotgan siyosiy jarayon- yangilanayotgan Konstitutsiyasining mazmun va mohiyati, asosiy maqsadi, unda oʻrin olgan normalar toʻgʻrisida keng jamoatchilikka yetkazish orqali ularning konstitutsion faolligini oshirishdan iborat boʻldi.Tadbirda soʻzga chiqqan faollar tomonidan yangilanayotgan Konstitutsiya 128 moddadan 155 taga koʻpaytirilgani va 65 foiz yangilangani, inson huquqlariga doir normalar 3 barobarga koʻpaytirilgani, Bosh Qonunimizning asosiy maqsadi inson huquq va qadr- qimmati va shaʼnini mustahkamlash asosiy masala qilib belgilangani xususidagi fikr va mulohazalar, tushunchalar ishtirokchi yoshlarning diqqat markazidan joy oldi.Fikr va mulohazalar, savol-javoblar qizgʻin tus olgan tadbir kuy va qoʻshiqlarga ulanib ketdi.

Tadbir soʻngida faol ishtirok etgan yoshlarga partiyaning esdalik sovgʻalari taqdim etildi.Vohada bu kabi tadbirlar davom etmoqda.

Zamira Abdullaeva,

“Adolat” SDP Xorazm viloyat Kengashi matbuot kotibi.