Yangilangan konstitutsiya – davr talabi 

Har qanday jarayonda taraqqiyot yoʻnalishlarini belgilaganda, ularga qandaydir oʻzgartirishlar kiritish zaruriyati tugʻiladi. Shuning uchun mamlakatimizda ham yangilangan Konstitutsiyani qabul qilishni davr taqozosi deyish mumkin. Diqqatga sazovor tomoni shundaki, asosiy qonun fuqarolarimizning keng jamoatchilikning qolaversa, butun xalqimizning fikr-mulohazalarini hisobga olgan holda yangilanmoqda.

Men ham partiyadoshlarim qatori Konstitutsiyaviy qonun loyihasi bilan yaqindan tanishdim. Shu jarayonga kiritilayotgan oʻzgarishlarning aksariyati “Adolat” SDP gʻoya va maqsadlariga hamohang ekanligini his etdim. Barcha safdoshlarimiz ham shunday fikrlarni izhor etmoqdalar. Aholi oʻrtasida olib borayotgan tadbirlarimizda bu masala alohida taʼkidlanmoqda.

Masalan, yangilanayotgan Konstitutsiyadagi quyidagi soʻzlar har bir kishining eʼtiborini tortadi. Men “Oʻzbekiston ijtimoiy va huquqiy davlat” deb eʼtirof etilayotganini nazarda tutmoqdaman. Bu, fuqarolarning har jihatdan munosib yashash uchun shart-sharoitlar yaratilish diqqat markazida boʻlishini anglatadi. Shu orqali inson huquqlari ham toʻla kafolatlanadi va taʼminlanadi.

Shuningdek, yangi tahrirdagi 26-moddasida har bir shaxsning shaʼni va qadr-qimmatiga hurmat bilan munosabatda boʻlishga yoʻnaltirilgan bir necha eng muhim tamoyillar mustahkamlanmoqda.

Unda, xususan insoning shaʼni va qadr-qimmati daxlsiz ekanligi va hech bir narsa ularni kamsitish uchun asos boʻla olmasligi koʻzda tutilgan.

Isroiljon Jo'raev,

“Adolat” SDP Namangan viloyat Kengash raisi.