Yangilangan Konstitutsiyamiz bilan yangi Oʻzbekistonimiz sari...

Yangi tahrirdagi Konstitutsiya Oʻzbekiston jamiyatining evolyutsion rivojlanishidan kelib chiqayotgan hayotiy zaruriyat boʻlib, bu oʻz navbatida mamlakat, millat va xalq sifatida keyingi qadamlarimizni aniqlab olishimiz uchun muhim va ahamiyatli masala va adolatli fuqarolik jamiyatini qurish yoʻlidagi ulkan qadam hisoblanadi.Maʼlumki, mamlakatimiz har jihatdan katta va buyuk davlatga aylanib bormoqda. Xalqimizga munosib hayot yaratish uchun esa barqaror iqtisodiyot, xavfsiz davlat, tizimli va samarali boshqaruv, huquqiy va ijtimoiy kafolatlar mustahkam boʻlishi lozim.Shu bois ham koʻpdan – koʻp muammolar yechimi mustahkam huquqiy poydevorni – Oʻzbekistonning yangi tahrirdagi Konstitutsiyasini barpo etishni taqozo etadi.

Yangilanayotgan Konstitutsiya loyihasining yaratishda xalqimizning fikri va takliflari oʻrganilgani va xalqimizning xohish irodasiga qoʻyib berilgani, natijada, xalqimizdan tushgan takliflarning har toʻrttasidan bittasi loyihadan joy olgani, 190 dan ortiq mamlakatning tajribasi oʻrganilgani va olti turdagi ekspertizadan muvaffaqiyatli oʻtgani bularning hammasi yangilanayotgan Konstitutsiyada xalqimizning manfaatlari eʼtiborga olinganidan dalolat beradi. Ushbularda Bosh Qomusimiz xalq Konstitutsiyasi boʻlayotgani yaqqol namoyon boʻlmoqda. Yangi tahrirdagi Konstitutsiyamizda ilgari amal qilib kelgan “davlat–jamiyat–inson” tamoyilini “inson – jamiyat – davlat” deb oʻzgartirilishi negizida inson manfaatini har narsadan ustun qoʻyishni asosiy masala etib belgilangani, inson huquqlari kafolatlari jiddiy ravishda kuchaytirilayotgani, insonning shaʼni va qadr qimmati daxlsizligi mustahkamlanayotgani xalqimizning Konstitutsion faolligi, qiziqishi, ishchanlik va hayotdan zavq olib yashash kayfiyati oshib borayotganida kuzatilmoqda. Darhaqiqat, inson qadrlangan joyda baxtni koʻproq his qilib yashaydi. Shu bois ham, inson qadr-qimmatini asos qilib olgan yangi Konstitutsiyamiz bilan yangi Oʻzbekistonimiz sari toʻgʻri yoʻlda dadil qadamlar bilan borishimizga shubha yoʻq.

Zamira Abdullaeva,

“Adolat” SDP Xorazm viloyat Kengashi matbuot kotibi.