Yaratilayotgan imkoniyatlar kelajak uchun poydevordir

Muhtaram Prezidentimiz tomonidan “Oʻzbekiston Respublikasi davlat mustaqilligining oʻttiz ikki yillik bayramiga tayyorgarlik koʻrish va uni oʻtkazish toʻgʻrisida”gi qarori hamyurtlarimizga bayramona koʻtarinkilik bagʻishladi.

Qoʻshni davlatlarda boʻlayotgan notinchlikni koʻrib, Davlatimiz rahbari tashabbusi bilan mamlakatimizda odilona siyosatni olib borilayotgani natijasida yurtimiz tinch, xalqimiz farovon, har bir oila davrasida shukronalik hissi oʻz ifodasini topayotgani bilan quvonarli boʻlmoqda.

Ayniqsa, bu yil mamlakatimiz tarixida buyuk oʻzgarishlar yili boʻldi. Xalqimizning faolligi bilan Yangilangan Konstitutsiyamizni qabul qilinishi yurtdoshlarimiz uchun yangidan-yangi marralarni zabt etishiga imkoniyat yaratdi.

“Har bir kun — bu imkoniyat, har bir kun — bu kelajak uchun poydevor”, degan hayotiy shior bugungi kun biz uchun imkoniyat, bugungi kunda vatan ravnaqi uchun, yurt osoyishtaligi uchun harakat qilishimiz, kelajak avlod uchun bugun zamin yaratishimiz muhim ekanini anglatadi.

Shu oʻrinda, mamlakatda yashayotgan har-bir fuqaro farzandlarimizni istiqbolli kelajagi uchun bugun poydevorni mustahkam qurishi kerak. Har bir sohada rivojlanish, yangilanish, bugungi texnika asri zamoniga xos oʻzgarishlar qilish, maqsadni toʻgʻri olish kelajak uchun mustahkam poydevor yaratishga xizmat qiladi.

Mamlakatimizda eng muhim islohotlardan biri Oʻzbekistonimiz jinoyatchilikdan holi hududga aylangani, yurtimizda tinchlik- xotirjamlik hukm surayotgani, inson qadri yuksalib borayotgani va boshqa islohotlarning barchasi yurtimizda odilona siyosatning toʻgʻri olib borilayotganidadir.

Muxtasar aytganda, davlatimiz tomonidan yaratilayotgan imkoniyat va islohotlarga befarq boʻlmay yangi Oʻzbekistonimiz kelajagi uchun izchillik bilan faoliyatimizni olib borish ustuvor burch va vazifamizdir.

                                                                                          Gulora Ismoilova,

       “Adolat” SDP Xorazm viloyat Kengashi

 mafkuraviy ishlar boʻyicha bosh mutaxassisi.