Yoʻlingiz ravon boʻlsin!

Yoʻl transport hodisalarini oldini olishda piyoda va haydovchilarni harakatlanish qoidalariga amal qilishi, yoʻl belgilarining oʻz oʻrnida boʻlishi katta ahamiyat kasb etadi. Shundan kelib chiqib, “Adolat” SDP Jalaquduq tuman kengashi tomonidan bu masalaga alohida eʼtibor qaratilmoqda.

Jumladan, partiyamizdan saylangan mahalliy kengash deputatlari fuqarolarning murojaatlari asosida tumandagi masʼullar oldiga “Doʻstlik” MFY hududidagi harakatlanish koʻp boʻlgan joyga svetofor oʻrnatish masalasini qoʻydi. Bu piyoda va haydovchilarga qulaylik tugʻdirish bilan birga koʻngilsiz yoʻl-transport hodisalarining oldini oladi.

Barnoxon Bozorova,
“Adolat” SDP Jalaquduq tuman kengashi raisi:

-Oʻzbekiston Respublikasi Prezidentining 2022-yil 25-oktyabrdagi Qarori talablaridan kelib chiqib, bu masala doimiy nazoratga olindi. Unga koʻra, aholi talabi bilan “Doʻstlik” MFYga “Vodiy yoʻl qurilishi” MCHJ tomonidan svetofor oʻrnatildi. Bu birinchi navbatda oʻquvchilarning harakatlanishiga qulaylik yaratdi.

“Yoʻlingiz ravon boʻlsin!”, degan shior ostida “adolatchilar” tomonidan oʻrganish ishlari davom etmoqda.

“Adolat” SDP Andijon viloyat kengashi
Matbuot xizmati.