“Yosh adolatchilar” mahallada

“Adolat” SDP Andijon viloyat kengashi safidagi “Yosh adolatchilar” -Andijon davlat tibbiyot instituti talabalaridan tarkib topgan“Volontyorlar” jamoasi tomonidan aholi orasida tashkil etilayotgan targʻibot tadbirlari ijobiy samara bermoqda. Jalaquduq tumanidagi Qutlug’ mahalla fuqarolar yigʻinida tashkil etilgan sogʻlomlashtirish tadbirida ham yosh safdoshlarimiz   faol ishtirok etdilar.

Boʻlgʻusi shifokorlar aholi vakillariga sogʻlom turmush tarziga rioya qilish, toʻgʻri ovqatlanish yuzasidan tavsiyalar berdilar. Sportning inson salomatligida tutgan oʻrni koʻrsatib oʻtildi.Shuningdek, xonadonlarda boʻlib, kekslarga kundalik ovqatlanish ratsionidan oʻrin olishi kerak boʻlgan foydali va isteʼmoldan cheklanishimiz zarur boʻlgan mahsulotlar haqida batafsil maʼlumotlar berildi. Oʻtkazilgan tibbiy koʻrik davomida aniqlangan bemorlarni sogʻlomlashtirish boshlandi.

Tibbiy madaniyat mavzusidagi tarqatma materiallar har bir oilaning doimiy qoʻllanmasiga aylandi.

“Adolat” SDP Andijon viloyat kengashi

Matbuot xizmati.