Yoshlar bilan yuzma -yuz

Davlatimiz rahbari tomonidan tadbirkorlarga yaratilayotgan sharoitlar hamda berilayotgan imkoniyatlardan oqilona foydalanib, biznesda erishayotgan amaliy natijalari bilan viloyatimizning ishlab chiqarish va eksport salohiyatini oshirishga munosib hissa qoʻshib kelayotgan, yangi ish oʻrinlari yaratib, butun jamiyatga naf keltirayotgan faol tadbirkorlarning hududlarda aholi vakillari bilan uchrashuvlari oʻtkazilmoqda.

Xususan, bugun Qoʻshtepa tumanidagi 30-umutaʼlim maktabida Fargʻona shahridagi “Ibratli Bekam” nodavlat taʼlim muassasasi hamda “Roza-Al” xususiy korxonasi rahbari, “Shuhrat” medali sohibasi, Adolat SDP Fargʻona viloyat Kengashi raisi Shahnoza Gʻaniyeva bilan muloqot tashkil etildi.

Tadbirkorlikka qiziqish bildirayotgan maskanning yuqori sinf oʻquvchilari ishtirok etgan tadbirda Prezidentimiz tomonidan olib borilayotgan oqilona siyosat, yurtimizdagi ishbilarmonlik muhiti, tadbirkorlarga berilayotgan keng imtiyozlar borasida toʻxtalib, bugungi kunda biznes bilan shugʻullanish uchun barcha sharoitlar mujassamligi, tadbirkorlarning huquqlari qonun bilan kafolatlanib, ularning faoliyati davlat tomonidan qoʻllab-quvvatlanayotgani taʼkidlandi. Shuning bilan birgalikda Shahnoza Gʻaniyeva “Adolat” SDP viloyat Kengashi raisi sifatida xotin-qizlar haq-huquqlarini himoya qilish, ish bilan bandligini taʼminlash borasida partiya tomonidan olib borilayotgan faoliyatga ham toʻxtalib oʻtdi.

Muloqot davomida ishtirokchilar tadbirkorlik faoliyati hamda tadbirkorning hayotiy tajribasi bilan bogʻliq oʻzlarini qiziqtirgan savollarga Shahnoza Gʻaniyevadan kerakli javoblarni oldilar.

“Adolat” SDP

Farg’ona viloyat kengashi Matbuot xizmati.