Yoshlar oʻrtasida “Zakovat” oʻyini tashkil etildi

Mamlakatimizda ilm-fan rivojiga qaratilayotgan eʼtibor koʻlami yil sayin kengaymoqda. Yoshlarning aql-zakovatini oshiradigan, iqtidorini roʻyobga chiqaradigan loyihalar izchil qoʻllab-quvvatlanayotgani, intellektual salohiyatni oshirishga qaratilgan har qanday tashabbus ragʻbatlantirilayotgani yanada quvonarli. Bu islohotlarga parallel ravishda partiyamiz deputatlari ham yoshlarning intellektual salohiyati, iqtidori, izlanuvchanligi, tashabbuskorligi va yetakchiligini namoyon etish uchun turli xil tanlovlar va intellektual oʻyinlar oʻtkazishmoqda.

Jumladan, Vobkent tuman 1-son kasb-hunar maktabida 21-oktyabr Oʻzbek tili bayrami munosabati bilan Oʻrta maxsus va professional taʼlim aʼlochisi koʻkrak nishonini sohibasi, partiya faoli Usmonova Nafisa Axmatovna tomonidan “Zakovat” intellektual oʻyini tashkil qilindi.   Bellashuvda “Adolat”n SDP Vobent tuman Kengashi raisi Mahbuba Roʻziyeva, tuman Kengashining “Ayollar qanoti” raisi Mehriniso Muhamadiyeva va mazkur maktabning oʻqituvchilari hakamlik qilishdi.

Maktab oʻquvchilaridan tashkil topgan “Asosdosh” hamda “Soʻz yashovchi” jamoalari ona tili fanidan oʻzaro bellashdilar. Bellashuvda “Asosdosh” jamoasining qoʻli baland keldi. “Zakovat” intellektual oʻyinida gʻolib boʻlgan jamoaga partiyaning esdalik sovgʻalari topshirildi.

                                                                          Mohigul Rahimqulova

                                      “Adolat” SDP Buxoro viloyat Kengashi matbuot kotibi.