“Yoshlar qanoti”: Sen ham safimizga qoʻshil, tengdosh

“Adolat” SDP Andijon viloyat kengashi qoshidagi “Yoshlar qanoti” faollari taʼlim muassasalarida boʻlib, “Kelajak sari qadam tashla” shiori ostida davra suhbatlari tashkil etmoqda. Bundan koʻzlangan maqsad amaldagi qonunchilik, yoshlar siyosati borasida amalga oshirilayotgan ishlarni targʻib qilish va yigit-qizlarning faolligini oshirishdan iborat.

Andijon davlat universiteti talabalаri ishtirokida oʻtkazilgan ana shunday tadbir siyosiy partiyalar faoliyatiga qaratildi. Unda soʻz olganlar jamiyatda siyosiy partiyalarning roli, partiya faoli qanday boʻlishi kerakligi va yetakchi imiji haqida tushuncha berdilar. Oʻz oʻrnida “Adolat” SDPning saylovoldi dasturi, oʻz oldiga qoʻygan maqsad va gʻoyalari haqida gapirdilar.

Ishtirokchilarda “adolatchilar”ning yoshlar siyosati va taʼlim tizimidagi islohotlar bilan bogʻliq gʻoyalari qiziqish uygʻotdi. Ixtirochi “Yosh adolatchilar”ning istiqbolli loyihalari bilan tanishtirildi.

Tadbir shu joyning oʻzida samara berdi. Bir guruh talaba-yoshlar “Adolat” SDPga aʼzo boʻlish istagini bildirdi.

Izzatilo Tolibjonov, talaba:

-Ijtimoiy yoʻnalishda oʻqiyman. Siyosiy partiyalar faoliyati bilan bugun yaqindan tanishdim. Va menda “Adolat” SDP safida boʻlish istagi tugʻildi. Kelgusida ushbu partiya safida turib jamiyatimiz rivojiga oʻz hissamni qoʻshaman.

“Adolat” SDP Andijon viloyat kengashi

Matbuot xizmati.