Yoshlar tarbiyasiga barchamiz mas'ulmiz

Yosh avlodni Ona Vatanga muhabbat ruhida tarbiyalash, qo'llab-quvvatlash, ularni ijtimoiy-siyosiy jarayonlarga jalb qilish, ularning islohotlardagi faol ishtirokini ta'minlash orqali demokratik yangilanish jarayonlarining ishtirokchisi sifatidagi rolini yanada oshirish bugungi kundagi ustuvor vazifadir.

Ana shu maqsadda “Adolat” SDP Kogon tuman Kengashi tomonidan tumandagi 1-IDUMda “Yoshlarda vatanparvarlik tuyg'ularini rivojlantirish” mavzusida davra suhbati tashkil etildi.

Davra suhbati davomida partiya tuman Kengashi raisi Sh.Norov tomonidan mamlakatimizda yoshlar siyosatiga alohida e'tibor qaratilayotgani, yurtimiz yoshlari uchun har jabhada keng imkoniyat eshiklari ochilayotgani haqida so'z yuritildi. Mustaqillik va hayotimizdagi o'zgarish va yangilanishlar hamda istiqlol bergan bebaho ne'matlar xususida aytib o'tildi. Ayniqsa, malakatimizda so'nggi yillarda turli sohalarda amalga oshirilayotgan keng ko'lamli islohotlar, yurtimiz mahallalari bo'ylab amalga oshirilayotgan ulkan bunyodkorlik ishlari tahsinga sazovor ekanligi qayd etildi.

Shuningdek, kelajagimiz vorislari bo'lgan yoshlarga bo'lgan e'tibor va Yoshlar siyosati doirasida ularga ko'rsatilayotgan g'amxo'rliklar e'tirof etildi.

  Suhbat mazmunli tashkil etilib, o'quvchi yoshlar ham o'zlarining fikr-mulohazalarini bildirdi.

Shundan soʻng, partiya vakili oʻquvchilani  "Konistitutsiya bilimdoni" koʻrik tanlovida ishtirok etishlarini chaqirdi.

  Uchrashuv yakunida o'quvchi yoshlar o'zlarini qiziqtirgan savollariga partiya tuman Kengashi raisi tomonidan atroflicha javoblar oldilar.

Mohigul Rahimqulova,

 “Adolat” SDP Buxoro viloyat Kengashi matbuot kotibi