Yoshlar xavfsizligi –bosh maqsadimiz

Butun dunyoda avtomobil sanoati oʻsgani sari insonlarning yoʻl transport hodisalaridan jabr koʻrish ehtimoli oshib bormoqda. Maʼlumotlarga koʻra, har yili 1.3 million odam yoʻl transport hodisasi qurboni boʻlishadi. 20-50 million odam jarohatlanadi va ulardan koʻpchiligi nogiron boʻlib qolishadi. Yoʻl -transport hodisalari odamlarga, ularning oilalariga va umuman davlatlarga katta iqtisodiy zarar keltiradi. Oʻzbekiston “Adolat” SDP Furqat tumani Kengashi hamkor tashkilotlar bilan birgalikda tumandagi “Qoʻqonboy” mahalla fuqarolar yigʻini hududida “Har bir adolatchi — mahallada tarbiyachi” mavzusida tadbir oʻtkazildi.- Mahalladagi har bir bola biz uchun begona emas, ularning koʻcha- koʻyda, yoʻllarda yurishlari, kiyinishlari, odamlar bilan qiladigan muomala madaniyati ham doimo nazoratimizda boʻladi, — deydi yoshlar yetakchisi Bahodir Mamajonov.- Ayniqsa, transport qatnovi qishloq hududlarida ham yil sayin ortib boryapti.Oʻquvchi yoshlarning maktabga borib kelish jarayonida ham yoʻl harakati xavfsizligiga qatʼiy rioya etishlari bizning nazoratimizda. Ularning harakat xavfsizligi haqidagi bilim va koʻnikmalarini oshirib borsak, avtohalokat bilan bogʻliq noxush holatlar oldi olinadi.   Yoshlar bilan muloqot davomida “ Adolat”SDP Furqat tumani Kengashi raisi Nodirjon Olimov   qadriyatlarimizga hamohang yosh avlod taʼlim tarbiyasi borasidagi muhim masalalar yuzasidan tushunchalarni bildirib oʻtdi.Bu kabi suhbatlar yoshlar kelajagi uchun muhim ahamiyat kasb etadi.