Yoshlarni axborot xurujidan asrash muhim vazifamiz!

“Adolat” SDP Qorovulbozor tuman Kengashi raisi, Xalq deputatlari tuman Kengashi deputati N.Eshmurodov tomonidan tuman kasb-hunar maktabida “Yoshlarni axborot xurujidan asraylik” mavzusida davra suhbati oʻtkazildi. Davra suhbatida kollej oʻquvchilari ishtirok etdilar. Suhbat davomida deputat N.Eshmurodov tomonidan yoshlarimizni internet resurslaridan toʻgʻri foydalanish, maʼnaviyatimizga, odob-axloqimiz va urf-odatlarimiz, qadriyatlarimizga zid boʻlgan axborotlarni inkor etish, yaxshi va yomon axborotni ajrata olish va tahlil etish madaniyati haqida batafsil maʼlumotlar taqdim etildi. Shu bilan birgalikda hozirgi tahlikali zamonda har bir yosh avlodning ogoh boʻlib, turli xil yot manfur gʻoyalar taʼsiriga tushib qolmaslik, yot gʻoyalarga qarshi kuchli immunitetni shakllantirish lozimligi qayd etib oʻtildi.

Doʻstona va samimiy ruhda boʻlib oʻtgan suhbat davomida oʻquvchi yoshlar ham mavzu yuzasidan oʻzlarining fikr-mulohazalarini bildirdilar.

Tadbir yakunida deputat tomonidan mavzu boʻyicha oʻquvchi yoshlarga tegishli taklif va tavsiyalar berildi. Yosh avlodga sogʻlom maʼnaviy muhitni yaratish, ular maʼnaviy olamining daxlsizligini asrash asosiy vazifalarimizdan biri sanaladi. Zero, farzandlarimiz kelajagimiz vorislari, ertamiz egalaridir.

Mohigul Rahimqulova,

“Adolat” SDP Buxoro viloyat Kengashi matbuot kotibi.