Yoshlarni qoʻllab-quvvatlash davlatning eng muhim konstitutsiyaviy vazifalaridan biri boʻladi

Bugungi kunda aholimiz 36 mlndan oshdi. Ularning yarmidan koʻpi yoshlar ekanini hisobga olsak yoshlar masalasida davlatimizda alohida eʼtibor qaratilishi lozimligini anglab etamiz. Davlatimizning bosh qomusiga bugungi kunda oʻzgartirishlar kiritilish jarayonida Konstitutsiya loyihasida 18 milliondan ortiq yoshlarimiz masalasida alohida xususan ilk bor bob kiritilayotgani alohida taʼkidlashimiz lozim. Konstitutsiyaviy jarayonda yoshlarning ham ishtirok etishimiz, ayniqsa takliflarning koʻp qismi biz yoshlar tomonidan yuborilishi eʼtiborga loyiq jarayondir.Yangilanayotgan Konstitutsiyaga yoshlarning siyosiy, ijtimoiy, iqtisodiy huquqlarining muhofazasini taʼminlash, oʻz huquq va erkinliklarini himoya qilish uchun sharoit yaratish kabi yangi qonunlar kiritilishi, oʻylaymizki, nafaqat biz yoshlar uchun, balki shu yurt farzandi va dilbandimiz degan har bir fuqaro uchun ham manfaatli boʻladi. Yana bir muhim jihati yangi tahrirdagi Konstitutsiyada davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilishni oʻz zimmasiga olmoqda.

Bugun hayotda oʻz oʻrnini topishga qiynalayotgan, yoʻldan adashgan, koʻmakka muhtoj yoshlar ham afsuski bor. Yoshlarning bandligini taʼminlash, ularning tadbirkorlik sohasida zarur bilim va malaka etishmasligi muammolari dolzarbligicha qolmoqda.Endi yoshlar oʻz huquqlarini amalga oshirishda davlatga suyanishlari mumkin. Chunki, ushbu yoshlar huquqlari himoyasini davlat oʻzining Asosiy qonunida mustahkamlamoqda. Oʻzbekiston Respublikasi Konstitutsiyasiga oʻzgartirish kiritish toʻgʻrisidagi umumxalq Referendumida oʻzim ham faol ishtirok etgan holda, sizlarni ham ishtirok etishga chaqirib qolaman.

Jasur Omonov,      

Oliy Majlis Qonunchilik palatasi huzuridagi

 "Yoshlar parlamenti" aʼzosi.