Yurt kelajagiga barcha masʼul

Prezidentimizning “Oʻzbekiston Respublikasi Davlat mustaqilligining oʻttiz ikki yillik bayramiga tayyorgarlik koʻrish va uni oʻtkazish toʻgʻrisida”gi qarorida taʼkidlanganidek, xalqimiz shu kunlarda Vatanimizning ijtimoiy-siyosiy, maʼnaviy-maʼrifiy hayotida butunlay yangi davrni boshlab bergan unutilmas tarixiy voqea-Mustaqilligimizning oʻttiz ikki yilligini keng bayram qilish uchun qizgʻin tayyorgarlik koʻrmoqda. “Adolat” SDP Xoʻjaobod tuman kengashi faollarining jamoatchilik orasidagi yurishlari ham ayni shu maqsadga qaratilgan.

Mehnat jamoalari va mahallalarda tashkil etilayotgan davra suhbatlari “Yangi hayot uchun, yangi Oʻzbekiston uchun!” degan bosh gʻoyani oʻzida mujassam etmoqda. Partiya faollari fuqarolarga mustaqillik bergan imkoniyatlar, inson qadrining ulugʻligi va yangi Oʻzbekistonda amalga oshirilayotgan islohotlar haqida tushuncha beryapti. Erkin va ozod yurtning ertasi oʻz qoʻlimizda ekanligi taʼkidlanmoqda.

Tumandagi 2-maktabda oʻtkazilgan maʼnaviy-maʼrifiy tadbirda taraqqiyot yoʻlidan borayotgan Oʻzbekiston va uning kelajagi haqida soʻz bordi. Ozod va obod yurtda yashash baxtini his etish barobarida har bir fuqaro Oʻzbekistonimizni yanada rivojlanishiga munosib hissa qoʻshishi lozimligi koʻrsatib oʻtildi.

“Adolat” SDP Andijon viloyat kengashi

Matbuot xizmati.