“Bor mehrimiz senga bolajon”

“Adolat” SDP Buxoro viloyat Kengashi tomonidan viloyat qon quyish markazida 1-iyun -“Xalqaro bolalarni himoya qilish kuni” munosabati bilan “Bor mehrimiz senga bolajon” shiori ostida donorlik xayriya aksiyasi boʻlib oʻtdi.

Aksiyada partiya faollari, milliy gvardiya xodimlari, “Yosh adolatchilar” qanoti faollari, keng jamoatchilik faollar koʻngilli sifatida ishtirok etishdi.

Donorlik bu eng avvalo saxovat demakdir. Qolaversa, donorlik donor hayoti va sogʻligʻi uchun koni foyda hisoblanadi. Qon topshirgan donor organizmidagi qon yangilanadi, yaʼni organizmdagi yangi qon ishlab chiqarish jarayoni kuchayib, yashovchanlik va yasharish holati yuzaga keladi-deydi shifokorlarimiz.

Shunday ekan, xayrixohligimiz evaziga kimningdir hayotini saqlab qolish eng savobli ishdir.

Savobdan bebahra qolmaylik!

Mohigul Rahimqulova

“Adolat” SDP Buxoro viloyat Kengashi matbuot kotibi.