Partiya saflari kengaymoqda...

"Kuchli ijtimoiy siyosat- xalq farovonligining kafolati" loyihasi doirasida Xalq deputatlari Soʻx tuman Kengashi deputati A.Safarov Soʻx pedagogika kolleji jamoasi bilan davra suhbati oʻtkazdi. – Bizning partiya maqsadi, “Ijtimoiy tenglik – teng huquq va teng masʼuliyat demakdir” degan tamoyilga tayangan holda jamiyatdagi ijtimoiy tenglikni taʼminlaydigan, har bir fuqaroning qobiliyati hamda malakasidan kelib chiqqan holda mehnat qilishi kafolatlanadigan, u oʻz mehnatining miqdori va sifatiga yarasha munosib ish haqi va hayot darajasiga erishishi uchun keng imkoniyatlar yaratilgan ijtimoiy davlat qurishdir, -deydi Xalq deputatlari Soʻx tuman Kengashi deputati A. Safarov,- partiya dasturida koʻrsatib oʻtilganidek, -Maqsadimiz – ijtimoiy adolat tamoyilini taʼminlash. Ijtimoiy adolat – bu siyosiy qarashlari, jinsi, millati, tili va diniy eʼtiqodidan qatʼi nazar, qonun oldida barcha fuqarolarning oʻzaro tengligini taʼminlashdir. Bu – taʼlim, tibbiyot va boshqa sohalardagi imkoniyatlar tengligidir. Bu – kafolatlangan mehnat faoliyati erkinligi, mansab lavozimlari boʻyicha koʻtarilib borishdagi imkoniyatlar tengligidir. Eng muhimi, bu – keksa avlod vakillari va ijtimoiy himoyaga muhtoj fuqarolar toʻgʻrisida gʻamxoʻrlikdir.

Bu orzular, bu maqsadlar albatta xalqning birdamligi va hamjihatligida, Sizdek maslakdoshlarimizning qoʻlni –qoʻlga berib ulugʻ orzular sari intilishimiz bilan mushtarak.

Suhbat davomida partiyaning saylovoldi dasturi yuzasidan ishtirokchilar tomonidan qizgʻin bahs munozaralar olib borildi. 9-iyulʼ kuni muddatidan avval boʻlib oʻtadigan Prezident saylovi, Yangi Konstitutsiyaning mazmun- mohiyati, inson qadrini ulugʻlovchi jihatlariga ham alohida toʻxtalib oʻtildi. Shu kuni partiya safiga kirish istagini bildirgan oʻnlab ishtirokchilarning arizalari qabul qilindi.

“Adolat” SDP

Farg’ona viloyat kengashi Matbuot hizmati.