Tibbiyot xodimlari bilan suhbat oʻtkazildi

Oʻzbekiston “Adolat” SDP Qoraoʻzak tuman Kengashi tomonidan “Aholining tibbiy madaniyatini oshirish, sogʻliqni saqlash tizimiga zamonaviy axborot-kommunikatsiya texnologiyalarini joriy etish” mavzusida hududdagi tibbiyot xodimlari bilan davra suhbati oʻtkazildi.

Tadbirda partiyaning Qoraoʻzak tuman Kengashi raisi Saltanat Daushbaeva bugun aholining tibbiy madaniyatini oshirish barobarida sogʻliqni saqlash tizimiga zamonaviy axborot-kommunikatsiya texnologiyalarini olib kirishga alohida eʼtibor qaratilayotganligi va bu oʻz-oʻzidan tibbiy xizmat sifatini oshirishga xizmat qilishi taʼkidladi.

Taʼkidlash joizki, partiyamizning saylovoldi dasturida ham tibbiyot sohasiga alohida eʼtibor qaratilib, aholining tibbiy madaniyatini oshirish, aholini xavfsiz dori-darmon vositalari bilan taʼminlash, dori-darmon vositalarining yagona elektron bazasini shakllantirish hamda tibbiyot sohasida zamonaviy AKTlarni keng joriy etish nazarda tutilgan.

Suhbat davomida tibbiyot xodimlari tomonidan aholiga sifatli va oʻz vaqtida tibbiy xizmatlar koʻrsatishni taʼminlash, kasalliklarni profilaktika qilish va oldini olish, patronaj xizmati hamda aholini tibbiy savodxonligini oshirish borasidagi amalga oshirilgan ishlar yuzasidan maʼlumotlar berildi.

Xulosa oʻrnida shuni aytishimiz mumkinki, eng avvalo, har bir inson oʻz sogʻligʻini va atrofidagilarining sogʻligʻini muhofaza qilishga masʼuliyat bilan yondashishi zarur. Zero, kasallikning kelib chiqish sabablarini aniqlash va oldini olish oʻz vaqtida bajarilmasa nafaqat sizga, balki oila aʼzolaringiz salomatligi uchun ham xavfli tus oladi.

Saltanat DAUSHBAEVA,

Oʻzbekiston “Adolat” SDP Qoraoʻzak tumani Kengashi raisi