Yoshlar parlamenti sayloviga qizgʻin tayyorgarlik koʻrilmoqda

Har bir millatning oʻzligini namoyon etishi, bevosita, undagi yoshlarning nechogʻliq iqtidor va isteʼdod egasi ekanligi, ularning aql-zakosi, intiluvchan hamda izlanuvchanligiga bogʻliq.

Chunki barcha sohada yetuk bilimga ega boʻlgan chin maʼnodagi maʼnaviyatli yoshlarning borligi yurtimiz tayanchi va ishonchidir. Bugun yoshlarimizdan har jabhada yanada faol boʻlib, oʻz huquq-erkinliklari, shuningdek, burchlarini toʻlaqonli anglagan holda, demokratik va fuqarolik jamiyatning munosib vakili boʻlishi talab etilmoqda. Bu borada yurtimizda yoshlar uchun keng imkoniyat hamda shart-sharoitlar yaratib berilayotganligi, ayni haqiqatdir.

Vatanimiz taraqqiyoti yoʻlida olib borilayotgan shu kabi saʼy-harakatlarimizning namunasi sifatida partiyaning Samarqand viloyat kengashi tomonidan yaqin kunlarda Oliy Majlis Qonunchilik palatasi huzuridagi Yoshlar parlamenti aʼzoligiga boʻlib oʻtadigan saylov jarayonlari yuzasidan Samarqand ixtisoslashtirilgan sanʼat maktabida yoshlar bilan uchrashuv tashkil etildi.

Uchrashuv davomida yoshlarni qiziqtirgan savollarga partiya faollari tomonidan batafsil javoblar berildi, shuningdek, tadbir soʻngida 7 nafar yoshlar ayni saylovda ishtirok etish uchun oʻz arizalarini tuman kengashiga taqdim etishdi.

Gulnafisa Abdimurodova,

“Adolat” SDP Samarqand viloyat kengashi Matbuot kotibi.