Bolalarni zoʻravonlikdan saqlash oiladan boshlanadi

Xalqimizda “Bir bolaga yetti mahalla ota-ona” degan naql bor. Bu oʻz-oʻzidan ota-ona bilan birga mahalla faollari zimmasiga ham masʼuliyat yuklaydi. Oʻzbekiston “Adolat” SDP Ulugʻnor tuman Kengashi tomonidan ayni kunlarda jamoatchilik muhokamasida boʻlgan “Bolalarni zoʻravonliklarning barcha shakllaridan himoya qilish toʻgʻrisida»gi qonun loyihasi boʻyicha mahallalarda targʻibot tadbirlari olib borilmoqda.

Tumandagi “Sariqjoʻga” MFYda tashkil etilgan davra suhbatida qonun loyihasi yoshlar bilan ishlovchi tashkilotlar bilan bir qatorda ota-onalar zimmasiga ham katta masʼuliyat yuklanishiga eʼtibor qaratildi. Bolalarni zoʻravonlikdan saqlashni, avvalo, oiladan boshlash lozimligi tushuntirildi.

Mukarram Qodirova, “Adolat” SDP Ulugʻnor tuman kengashi raisi:

-Oʻz vaqtida qabul qilinayotgan qonun tadbir qatnashchilari tomonidan qoʻllab-quvvatlandi. Chindan ham bolalarga nisbatan notoʻgʻri munosabat ayrimlar uchun oddiy holatga aylanib borayotgandi. Endi bunga yoʻl qoʻyilmaydi. Har qanday shakldagi zoʻravonlikni sodir etish taqiqlanadi va qonunga binoan taʼqib qilinadi.

Tadbirqatnashchilariyuqoridagimasalayuzasidankeraklixulosachiqarishdivaendilikdaoilalardabolalarganisbatantoʻgʻrimunosabatdaboʻlishlarishubhasiz.

“Adolat” SDP Andijon viloyati kengashi Matbuot xizmati.