Икки давлат ўртасида стратегик шериклик муносабатлар мустаҳкамланади

Мамлакатимиз ривожи учун яна бир муҳим аҳамият касб этган тарихий воқеалик амалга оширилди. Хусусан, Ўзбекистон Республикаси Президенти Шавкат Мирзиёевнинг таклифига биноан мамлакатимизга Қирғиз Республикаси Президенти Садир Жапаровнинг юртимиз тараққиёти учун давлат ташрифи ташкил этилди.

Икки кунлик ташриф доирасида олий даражадаги музокаралар бўлиб, уларнинг якунида етакчилар кенг қамровли стратегик шериклик муносабатларини янада чуқурлаштириш ва кенгайтириш тўғрисида қўшма баёнотни имзолаганлари, икки томонлама ҳужжатларнинг салмоқли тўплами қабул қилингани, энергетика, автомобилсозлик ва тўқимачилик саноатида йирик қўшма лойиҳаларга старт берилгани мамлакатимизда ижтимоий-иқтисодий ўсиш суратларининг ортиб боришига замин яратди.

Шунингдек, Қирғизистон Президенти Садир Жапаров ва унинг рафиқаси эътиборидан навқирон Хива шаҳридаги қадимий обидаларнинг жой олгани мамлакатимизда туризм соҳасини ривожи учун аҳамияти катта бўлди.

Икки давлат Президентлари рафиқалари билан бирга Ўзбекистонда Қирғизистон маданияти кунлари бошланишига бағишланган концертда иштирок этиб, катта қизиқиш билан томоша қилдилар. Икки давлат санъат усталарининг ушбу концертни чуқур тарихий илдизлар билан боғланган, дини бир, қадрият ва анъаналари муштарак ўзбек ва қирғиз халқларининг кўп асрлик дўстлигини ифодалади.

«Хива гиламлари» комбинатида давом этган ташриф комбинатнинг ишлаб чиқариш қувватлари, «Made in Uzbekistan« бренди остидаги маҳсулотлар кўргазмасига бўлган қизиқишини ифода этди.

Олий тоифадаги меҳмонларнинг юртимизга ташрифи қардош халқларнинг қардошлик ришталарини, миллий қадриятларини янада мустаҳкамлашга, икки давлат муносабатларини кенг қамровли стратегик шериклик даражасига кўтаришда аҳамияти катта бўлди.

Шукурой МАДАМИНОВА,
«Адолат» СДП
Хива туман Кенгаши раиси.