Жамият тараққиётида аёлларнинг ўрни беқиёс

   Халқ депутатлари Поп туман Кенгаши депутати Мафтуна Маматова "Хотин-қизларнинг сиёсий-ҳуқуқий билимларини ошириш - жамият тараққиётининг муҳим омили" мавзусида давра суҳбати ўтказди.
   Давра суҳбатида маҳаллалардан таклиф этилган аёллар ва 31-умумтаълим ўрта мактабининг юқори синф ўқувчилари, педагог ходимлар иштирок этишди. Депутат ҳар бир аёл оила мустаҳкамлиги, фарзанд тарбияси ва рўзғор тебратишда намунали ва ўз ҳақ-ҳуқуқлари учун курашда билимли, мулоҳазали бўлиши кераклигини таъкидлаб, қизлар ёшликдан яхши таълим ва тарбия олишса, касб-ҳунар ўрганишса, келажакда муаммоларга дуч келганда ҳам, енгиб ўта олишади, деган фикрларни айтиб ўтди. Зеро, "Ҳунари борнинг зари бор", деб бежизга айтишмаган.

Ўзбекистон "Адолат" СДП,
Наманган вилоят кенгаши
матбуот хизмати.