“Адолат” билан келажак сари қадам

Фуқароларнинг ҳуқуқий маданиятини юксалтиришда сиёсий партияларнинг ўрни катта. Жумладан, жамиятда қонун устуворлигини таъминлашни ўзининг бош мақсади деб билан Ўзбекистон “Адолат” СДП томонидан бу борада сезиларли ишлар амалга оширилмоқда.
Партиянинг Андижон вилоят, Шаҳрихон туман кенгаши ташаббуси билан ташкил этилган давра суҳбатида фуқароларнинг ҳуқуқ ва бурчлари, сиёсий фаоллик ва депутатлик институти ҳақида сўз юритилди. “Менинг партиям “Адолат” дея номланган тадбир қатнашчилари “Адолат” СДПнинг дастурий мақсад ва ғоялари билан яқиндан таништирилди. Шаҳрихонлик “адолатчилар” жамоатчилик орасида давлатимизнинг бугунги сиёсати ва Янги Ўзбекистонни тараққиётига қаратилган тарғибот ишларини олиб бораётгани кўрсатиб ўтилди. Маҳаллий кенгаш депутатлари бугун чин маънода халқ вакилига айлангани билдирилди.
Азамжон Холиқов, Ўзбекистон “Адолат” СДП Андижон вилоят, Шаҳрихон туман кенгаши раиси:
- 2023 йилдаги сиёсий воқеликлар зиммамиздаги масъулиятни янада оширди. Сайловларда кутилган натижага эришиш учун жамоатчилик орасига чуқур кириб боришимиз зарурлигини тушуниб етдик. Айни шу мақсадда МФЙларда сиёсий мавзудаги давра суҳбатлари ташкил этишни ўз олдимизга мақсад қилиб олдик. Партиямиздан сайланган маҳаллий кенгаш депутатлари сайловчилар олдида ҳисоб бермоқда. Ўз ўрнида навбатдаги сайловларда кўпроқ ўрин эгаллаш учун муносиб номзодларни танлаяпмиз.
Тадбир якунида сайлов қонунчилиги юзасидан иштирокчиларни қизиқтирган саволларига жавоб берилди. “Адолат” билан келажак сари биргаликда қадам ташлашга чақирилди.

Ўзбекистон “Адолат” СДП
Андижон вилоят кенгаши
Матбуот хизмати.